Gogledd Cymru - Bythynnod Gwyliau ar Y Gororau
Mae ardal Y Gororau, Gogledd Cymru yn cynnig rhywbeth hudol i bawb, beth bynnag yw eich diddordebau. Mae bythynnod gwyliau gororau Gogledd Cymru yn llawn cymeriad ac wedi eu hamgylchynu gan amrywiaeth anhygoel a hanes hir. Nid yw hyn yn peri unrhyw syndod wrth ystyried eu lleoliad - yn ffinio gyda Lloegr i'r dwyrain, Eryri i'r gorllewin ac arfordir trawiadol i'r gogledd.
Daw ein bythynnod gwyliau ar hyd gororau Gogledd Cymru gyda phrofiadau bythgofiadwy e.e. croesi Traphont Dŵr Pontycysyllte (Safle Treftadaeth Byd) ar hyd camlas Llangollen a darganfod harddwch eithriadol naturiol Bryniau Clwyd drosoch eich hun. Mae cestyll hynafol a Chlawdd Offa, y ffin 1200 mlwydd oed rhwng Cymru a Lloegr hefyd yn aros i gael eu harchwilio.
I'r rhai sy'n chwilio am gyffro, mae bythynnod gwyliau gororau Gogledd Cymru yn cynnig gyrru 4x4 ar hyd llwybrau diarffordd, chwaraeon dŵr, llwybrau beicio mynydd penigamp a llawer mwy. Am wyliau mwy hamddenol, mwynhewch rownd o golff ar gyrsiau o safon rhyngwladol, treuliwch ddiwrnod yn y rasys neu'n syml iawn, ymlaciwch ym mwytai safonol a thafarndai croesawgar Gogledd Cymru. Bythynnod Gwyliau 4* a 5* gyda holl ogoniant y gororau ar drothwy eu drws.
