Llety'r Plas

Yn meddiannu'r adain orllewinol breifat, oddi mewn i blasdy Fictorianaidd Gothig ger y traeth yn Llanbedrog, mae Llety'r Plas yn cynnig llety hunan ddarpar mewn lleoliad trawiadol i grwpiau hyd at 10 ar Benrhyn Llyn. Wedi ei adeiladu yn 1857 ac yn wreiddiol yn rhan o ystâd enwog Madryn, mae hefyd yn gartref i oriel gelf a chanolfan treftadaeth, yn ogystal â chaffi gwych. Yn cael ei redeg gan ymddiriedolaeth elusennol, annibynnol, dyma'r lle am Groeso Cynnes Cymreig, gyda tywod euraidd heb fod ymhell.

Drwy fod drws nesaf i oriel gelf, fe fyddwch yn elwa o fod â'ch arddangosfa lluniau preifat eich hun, y rhan fwyaf gan artistiaid lleol, ar hyd wal eich llety. Mae byw mewn Ardal o Harddwch Naturiol Eithriadol yn ysbrydoli'r artistiaid hyn. O draethau cuddiedig a phentrefi arfordirol trawiadol i Ynys Enlli a mynyddoedd Eryri, mae yma gymaint i'w weld. Gellir hefyd ymuno â Llwybr Arfordirol Cymru o stepen y drws.

Mae Abersoch (2.5 milltir) yn gyrchfan poblogaidd gyda'i ddewis gwych o fwytai, siopau a thafarndai. Mae tref a harbwr Pwllheli (4 milltir), sy'n gartref i Farina Hafan Pwllheli a'i ddigwyddiadau hwylio niferus, hefyd yn cynnig ystod eang o adnoddau. Mae yna nifer o atyniadau poblogaidd gerllaw yn cynnwys Parc Glasfryn, Rheilffordd Stêm Ffestiniog, Castell Criccieth, a phentref Eidalaidd Portmeirion. 

Llawr Gwaelod

Mynedfa breifat yng nghefn yr adeilad yn agor allan i gyntedd mawr gyda grisiau llydan a lifft stair ar gyfer unrhyw un gydag anhawsterau symud.

Ar ol mis Medi 2024, ni fydd llofft nac ystafell molchi ar gael ar y llawr gwaelod ar gyfer gwesteion gan y bydd gwaith adeiladu yn digwydd er mwyn addasu'r adeilad.

Llawr Cyntaf

Ystafell fwyta olau gyda ffenestri uchel yn arwain i'r gegin, lolfa a'r mesanîn.

Cegin - yn cynnwys popty, hob, meicrodon, oergell, rhewgell, peiriant golchi llestri a pheiriant golchi/sychu dillad. 

Lolfa gysurus gyda soffas o gwmpas stôf drydan, teledu a chwaraewr DVD.

Ystafell wely 1 - gwely dwbwl gydag ensuite yn cynnwys cawod, basn a thoiled.

Ystafell wely 2 - gwely dwbwl gydag ensuite yn cynnwys cawod, basn a thoiled.

Ystafell wely 3 - dau wely sengl gydag ensuite yn cynnwys cawod, basn a thoiled.

Ystafell wely 4 - dau wely sengl.

Ystafell ymolchi gyda baddon, uned cawod, toiled a basn. 

Ail Lawr

Mesanîn - grisiau sbiral yn arwain o'r ystafell fwyta i'r mesanîn gyda dau wely sengl i letya dau westai ychwanegol drwy gais. 

Gardd

Patio preifat â lle i eistedd yng nghefn y llety, gyda barbaciw nwy. Mae caffi wedi ei leoli rownd y gornel ar gyfer te prynhawn neu ginio bach os dymunir. 

Gall y gwesteion hefyd ddefnyddio'r byrddau picnic ar y prif lawnt (y tu blaen i'r adeilad) pan fydd yr oriel a'r caffi ar gau, i fwynhau golygfeydd tuag at Fae Ceredigion a mynyddoedd Eryri. Mae'r gerddi mor drawiadol a'r plasdy ei hun.

Mae Traeth Llanbedrog gerllaw gyda'i dai bach bob lliw ar y traeth - gellir cael mynediad i lawr lôn fach o'r llety. Gellir hefyd ddarganfod llwybrau sydd yn ymdroelli drwy'r coetir gerllaw'r plasdy, heb anghofio Llwybr Arfordirol Cymru sy'n pasio drwy'r gerddi.

Gwybodaeth Ychwanegol

• Pecyn croeso yn cynnwys Bara Brith, te, coffi, siwgwr a llaeth   
• Dillad gwely a thywelion yn gynwysedig    
• Gwres canolog a thrydan yn gynwysedig     
• 1 sychwr gwallt ar gael
• Wifi ar gael
• Cot trafeilio a chadair uchel ar gael os dymunir. Dewch â dillad eich hun i'r cot     
• Lifft stair o'r llawr gwaelod i'r llawr cyntaf    
• Croesewir 2 gi am £30 y ci yn ychwanegol. Noder nad yw cwn yn cael mynediad i'r ystafelloedd gwely    
• Dim ysmygu tu mewn    
• Parcio ar gyfer 4 car drwy drwydded - i'w gael ar ôl cyrraedd