Llwynrhosser

Disgrifiad

Safle delfrydol ar lethrau'r Mynydd Du ym Mharc Cenedlaethol Bannau Brycheiniog. Lleoliad anhygoel gyda'i fywyd gwyllt, fflora a ffawna, a golygfeydd rhyfeddol, dyma baradwys i bawb sy'n caru byd natur. Perffaith ar gyfer cyplau, teuluoedd neu ffrindiau, mae llety Llwynrhosser wedi ei leoli ar fferm weithiol sydd yn cynnwys 20 acer o goetir hynafol, mae'n derbyn anifeiliaid anwes ac yn ddihangfa delfrydol i gefn gwlad. Mae gan yr ardal hon statws Awyr Dywyll gyda dim llygredd golau sydd yn caniatau golygfeydd syfrdanol o'r awyr yn y nos.  

Mae'n bosib i chi ddod â'ch ceffylau eich hun ar y gwyliau gan fod stablau ar gael ar y fferm. Mae'r ardal yn nefoedd i farchogion gyda llwybr ceffylau yn mynd drwy'r fferm ac i fyny i'r mynydd.

Ar gyfer toriad rhamantaidd, gellir mwynhau prydau gyda'r nos mewn nifer o leoliadau hudol o gwmpas y fferm, yn cynnwys cuddfannau yn y coetir, neu ar y mynydd. Hyn i gyd drwy drefniant ymlaen llaw - holwch am fanylion pan yn archebu.

Y lleoliad perffaith ar gyfer gwylwyr adar ac ystlumod, cerddwyr, marchogion, gwylwyr sêr, y rhai sy'n caru byd natur, ac unrhyw un sydd angen cymryd yr amser i ymlacio. 

Mae'r afon Sawdde Fechan yn rhedeg drwy'r fferm. Dyma afon sy'n rhedeg i'r Tywi. Gellir cael trwydded yn y pentref lleol, yn ystod y tymor pysgota. 

Llawr Gwaelod

Cegin - gyda'r holl offer angenrheidiol yn cynnwys popty trydan NEFF, meicrodon, peiriant golchi llestri, oergell gyda rhewgell bach oddi mewn, gwres dan y llawr 

Lolfa - soffas cyfforddus i eistedd 4, bwrdd bwyta a chadeiriau i 4

Ystafell Ymolchi - cawod y gellir cerdded i mewn iddi, toiled, basn a gwres dan y llawr   

Ystafell wely 1 - gwely dwbwl gyda cypyrddau bach ger y gwely a chwpwrdd dillad   

Llawr Cyntaf

Ystafell wely 2 – dau wely sengl gyda cypyrddau bach ger y gwely a chwpwrdd dillad 

Gardd

Gardd wedi ei chau i mewn gyda lawnt a dodrefn gardd. Coetir hynafol, afonydd a chaeau'n tyfu'n wyllt i'w mwynhau ar y fferm  

Gwybodaeth Ychwanegol

Pecyn croeso yn cynnwys te, coffi, siwgwr, llaeth, potel o wîn a hanner dwsin o wyau fferm ffres  

Yn addas ar gyfer yr anabl gydag ystafell wely ac ystafell ymolchi ar y llawr gwaelod. Dim reiliau llaw nac offer arall ar y safle. Drysau yn addas ar gyfer cadair olwyn. Bydd angen ramp i gyrraedd y drws cefn  

Ceffylau - £10 y ceffyl, y noson. Mwyafrif o 3 ceffyl  

Dillad gwelyau, tywelion a sychwr gwallt ar gael   

Haearn a bwrdd smwddio ar gael   

Yr holl drydan yn gynwysedig  

Wi-fi am ddim

Cadair uchel a chot trafeilio ar gael os dymunir. Dewch â'ch dillad eich hunan i'r cot   

Croeso i anifeiliaid anwes (mwyafrif o 2 gi) @ £12 y ci   

Os dymunir, gallwn baratoi pryd min nos poeth o'n bwydlen dymhorol. Gadewch i ni wybod pryd a be ac fe wnawn ni'r gweddill  

Lleoliadau rhamantus ar gyfer eich prydau min nos - gallwn drefnu lleoliad hudol awyr agored i weini eich bwyd. Digon o opsiynau i chi ddewis ohonynt

Yr eitemau canlynol ar gael ar gyfer eich arhosiad - Cegin: pupur a halen, papur cegin, hylif golchi llestri/tabledi i'r peiriant, clytiau newydd, ffoil, a ffilm glynu. Ystafell ymolchi: sebon hylif, 2 rolyn papur ar gyfer pob toiled. Cynnyrch glanhau cyffredinol  

Llety delfrydol ar gyfer ymwelwyr a cheffylau i Sioe Frenhinol Cymru, Llanelwedd 

Dim ysmygu tu mewn y llety  

Ardal leol

Fe leolir Llwynrhosser ar y Mynydd Du, oddi mewn i Barc Cenedlaethol Bannau Brycheiniog. Mae'r bwthyn ar fuarth y fferm ac yn ffinio ag ysgubor arall. Mae'r ysgubor a'r bwthyn arwahan i'r prif dŷ fferm.

Yn y Parc Cenedlaethol mae'r mynyddoedd, afonnydd, rhaeadrau, cestyll ac ogofau yn ddelfrydol ar gyfer y rheiny sy'n mwynhau'r awyr agored. Mae'r ardal yn boblogaidd ar gyfer cerdded, beicio ffordd a beicio mynydd, marchogaeth, rhedeg, yn ogystal ag ymlacio a mwynhau'r harddwch naturiol. Mae'r afon Sawdde Fechan yn rhedeg drwy'r fferm. Mae ei ffynhonell yn Llyn y Fan, llyn hardd ar ochr y mynydd sy'n gysylltiedig â chwedl merch y llyn, tarddiad meddygon Myddfai. Mae Pen y Fan, mynydd uchaf De Cymru, 28 milltir i ffwrdd.

Fe welir barcutiaid coch yn hedfan uwchben y fferm gyda canolfan fwydo barcutiaid coch 3.5 milltir o'r bwthyn. Bydd y gwcw i'w chlywed ddiwedd y gwanwyn/ddechrau'r haf. Mae telor y cnau, cnocell y coed, cyffylog, ynghŷd â rhywogaethau eraill, yn byw yn hapus yn y coetir ar y fferm.

Y pentref agosaf yw Llangadog (6 milltir). Yma fe geir nifer o dafarndai croesawgar, swyddfa bost, siop cigydd a siop groser. Mae Llangadog ar linell rheilffordd Calon Cymru (heart of Wales) gyda gwasanaeth trên rheolaidd rhwng Abertawe a'r Amwythig.


Gerddi

Mae Gardd Fotaneg Genedlaethol Cymru a Gerddi Aberglasne o fewn cyrraedd i Llwynrhosser  

Cestyll

Fe leolir Castell Carreg Cennen ar gopa bryn gyda caffi a gwaretheg Corn Hir   

Traethau

Mae traethau Gŵyr a Sir Gâr awr i ffwrdd o'r bwthyn, ac maent yn cynnig traethau tywod ym Mharc Gwledig Pen-bre a Llan Steffan, ac yn Nhalacharn Dylan Thomas  

Pysgota

Ceir trwyddedau i bysgota ar yr Afon Tywi yn Llangadog (6 milltir)   

Golff

Mae Clwb Golff Glynhir yn Llandybie (13 milltir)   

Marchogaeth

Gyda stablau ar y safle mae'n bosib i chi ddod â'ch ceffyl eich hun ar wyliau, neu gellir marchogaeth yng Nghanolfan Farchogaeth Dinefwr (13 milltir)   

Chwaraeon Dŵr

Fe geir nifer o gronfeydd dŵr ym Mharc Cenedlaethol Bannau Brycheiniog lle gellir hwylio, caiacio a mwy. Mae yna bwll nofio yn Llanymddyfri (13 milltir)