Stone Barn Cottage - Ysgubor Cerrig

Mae bwthyn gwyrdd Stone Barn wedi ei leoli ar Fferm Gastell, ger pentref Ffostrasol. Mae Ffostrasol chwe milltir i ffwrdd o Gastellnewydd Emlyn, chwe milltir o Landysul a tair milltir ar ddeg o Aberteifi. Mae’r bwthyn hefyd chwarter awr i ffwrdd o arfordir dreftadaeth hardd a thraethau tywodlyd Bae Ceredigion. Mae tafarn Ffostrasol, rwan yn enwog am ei fwyd bar blasus, ac mae’n rhaid i chi brofi cinio dydd Sul Betty (archebu bwrdd o flaen llaw yn angenrheidiol). Mae ‘La Calabria’ hefyd o fewn milltir, bwyty Eidalaidd sydd yn enwog am ei goginio cwbl Eidalaidd wedi ei gyfuno â chynnyrch ffres Cymreig. Ar waelod y dyffryn mae Caws Dyffryn Teifi wedi ei leoli, cynhyrchwr caws sydd wedi ennill gwobrau ac yn cyflenwi Harrods gyda’i gaws. Mae gan Aberteifi amryw o ddarpariaethau megis banc, swyddfa bost, caffi rhyngrwyd, archfarchnad, gorsaf betrol, fferyllfa, meddygfa, milfeddygfa, marchnad dan do a siopau annibynnol diddorol.

Gerllaw mae Llwybr Teifi, rhan o Rwydwaith Beicio Cenedlaethol, sy’n arwain ein hymwelwyr beicio drwy olygfeydd anhygoel o arfordir Ceredigion, neu i mewn i’r tir i ganol y bywyd gwyllt a’r gwarchodfeydd natur o amgylch Tregaron. Dim ond chwarter awr yn y car ac fe fyddwch ger arfordir hyfryd Bae Ceredigion, gyda’i draethau glan, di-gyffwrdd Poppit Sands, Llangranog, Penbryn, Mwnt a threfi porthladd swynol Ceinewydd, Tresaith a Thraethau Casnewydd. Mae Llwybr Treftadaeth yr Arfordir yn darparu cerdded ar hyd clogwyni, a golygfeydd bendigedig ar hyd arfordir Ceredigion a Sir Benfro gyda golygfeydd o byllau, adar môr, morloi ac weithiau dolffiniaid.

Wedi eu gwasgaru ar hyd yr ardal mae nifer o safleoedd hanesyddol canoloesol hynafol, o gaerau Celtaidd i gloddfeydd Rhufeinaidd a mynachlogydd Cymreig o’r Oesoedd Canol. Mae’n werth ymweld â Gardd Fotaneg Genedlaethol Cymru a thy a gardd Aberglasney sydd wedi eu hadnewyddu o’r ail ganrif ar bymtheg yng Nghaerfyrddin. Mae yna hefyd nifer o fwytai a thafarndai gwych yn y cyffiniau lle gallwch fwynhau bwyd cartref lleol neu brydau mwy egsotig yn ystod eich arhosiad yng Ngorllewin Cymru. Pa un ai fod gennych ddiddordeb mewn cerdded ,beicio, pysgota, hwylio, golff neu farchogaeth ar draeth, pori drwy siopau antique a chrefftau lleol, ymweld â’r safleoedd hanesyddol bydd digonedd o bamffledi gwybodaeth yn eich bwthyn gwyliau.

Chwaraeon Dwr

Yng Nghlwb Hwylio Canw Llandysul cewch rafftio dwr gwyn, canwio a chaiacio gyda golygfeydd gwych ar hyd afon Teifi, 7.2 milltir.

Canolfan Chwaraeon Dwr Ceredigion Cei Newydd, 10.4 milltir.

Cerdded

Llawer o deithiau cerdded lleol o drothwy’r drws sy’n addas ar gyfer pob lefel a gallu. Clwb cerdded lleol a theithiau tywys ar gael. Llwybr Arfordir Ceredigion, 10 milltir.

Pysgota

Cymdeithas Pysgota â gwialen Llandysul wedi ei lleoli’n gyfagos gyda thrwyddedau ar gyfer pysgota eog a brithyll brown ar yr enwog Afon Teifi, 4.3 milltir.

Pysgota môr – Mae Bae Ceredigion yn enwog am ei ddraenogiaid y môr a’i merfog a gellir hurio cwch o sawl porthladd bychan yng Ngheredigion, 10 milltir.

Golff

Cwrs Golff Saron, Penwern - cwrs 9 twll gyda 18 ti.

Beicio

Mae yna lwybrau beicio ar gyfer pob oed a gallu. Mae yna le i chi storio eich beiciau yn ddiogel yn y bwthyn neu gellir paratoi llogi beiciau o flaen llaw. Lonydd gwledig distaw o’r bwthyn yn berffaith ar gyfer beicio. Llwybr Teifi, 6 milltir.

Merlota

Mae marchogaeth ar gael mewn sawl lleoliad gan gynnwys Gilfach yr Halen, Llwyncelyn, 12 milltir.