Madiwela

Mae’r bwthyn gwyliau hwn sydd ar ei ben ei hun wedi’i leoli yng Ngwbert, 2.5 milltir yn unig o Aberteifi ar y ffordd arfordirol. Mae Gwesty’r Cliff tua 500 metr drws nesaf gyda’i fwyty, sba a chwrs golff. Mae’r tŷ yn edrych dros dwll cyntaf y cwrs hwn. Mae Bistro Flat Rock ar draws y ffordd ac mae Clwb Golff Aberteifi 400 metr yn unig i ffwrdd. Mae Gwbert yn edrych dros draeth Poppit lle mae afon Teifi, sy’n enwog am eog, yn cwrdd â’r môr ym Mae Ceredigion.

Mae Aberteifi ei hun yn dref ddiddorol, llawn hanes. Cynhaliwyd yr eisteddfod gyntaf yma yn y castell a adnewyddwyd o’r newydd. Yn ogystal â’r siopau cadwyn arferol mae nifer o siopau lleol gyda chynnyrch lleol gwych. Mae’r afon sy’n llifo drwy’r dref, y Teifi, yn enwog am fod yn un o’r afonydd eog gorau yn y DU. Yn draddiodadol, defnyddiwyd cwryglau i ddal y pysgod hyn, a gallwch ganfod mwy yn yr amgueddfa cwryglau yn rhaeadrau Cenarth. Mae Tresaith 8 milltir i’r gogledd lle mae traeth tywod euraidd, dwy dafarn groesawgar, bwytai, caffi a siop. Mae Canolfan yr Urdd yn Llangrannog yn berffaith ar gyfer diwrnod allan i’r teulu: mae llethr sgïo, canolfan ferlota a chanolfan hamdden fodern ar y safle, a hefyd neuadd chwaraeon, cae ‘astro turf’ ac ystafell ffitrwydd. I’r de, mae gan bentref Trefdraeth, sir Benfro, nifer o leoedd lleol i fwyta a thraeth gwych arall.

Mae’r holl arfordir yn enwog am ddolffiniaid ac nid yw’n anghyffredin gweld ysgol o ddolffiniaid yn ymuno â chi tra byddwch yn caiacio o rai o’r traethau. Wrth gwrs, gallwch eu gwylio o’r tŷ ond, i gael golwg agosach, gallwch drefnu teithiau gwylio dolffiniaid hefyd o Aberteifi (3 milltir). Mae teithiau cerdded ardderchog yn yr ardal, gan gynnwys rhan Ceredigion o Lwybr Arfordirol Cymru Gyfan, a gallwch ymuno ag ef yn uniongrychol o flaen y tŷ.

Mae’r atyniadau a’r gweithgareddau eraill yn cynnwys Parc Fferm Arfordirol Ynys Aberteifi sy’n warchodfa natur arforol. Mae Cei Newydd yn bentref arfordirol hyfryd a, heb os, mae’n werth ymweld â Chastell Cilgerran (11 milltir) sy’n edrych dros afon Teifi gyda’i hanes diddorol ynghyd â golygfeydd a theithiau cerdded gwych.

Cerdded
Gallwch ymuno â rhan Ceredigion o Lwybr Arfordirol Cymru Gyfan ddim ond 0.2 milltir o’r bwthyn.

Traethau
Bae bychan o fewn pellter cerdded hawdd i’r tŷ – 0.1 milltir.

Traeth Mwnt – traeth tywod prydferth y gallwch gerdded iddo ar hyd y llwybr arfordirol neu yrru iddo. 3 milltir.

Chwaraeon Dŵr
Caiacio, hwylio a mwy ar gael ar draeth Tresaith – 8 milltir.

Golff
Clwb Golff Aberteifi – cwrs pencampwriaeth 18 twll yn mesur 6,687 llathen, Par 72, sydd ond yn bellter byr i gerdded. 0.2 milltir.

Merlota
Canolfan Ferlota yng Nghanolfan yr Urdd yn Llangrannog. 6 milltir.

Pysgota
Pysgota rhagorol o’r glannau yng Ngwbert o fannau caregog. Gallwch archebu teithiau ar gychod pysgota o Aberteifi. 3 milltir.

Gallwch brynu trwyddedau pysgota eog ar gyfer pysgota plu ar yr enwog afon Teifi – 2 filltir.

Beicio

Beicio ffordd gwych gyda heolydd tawel a chymysgedd o deithiau hawdd neu serth, heriol at fodd pawb – 0.1 milltir.