Bwlch y Gliced

Disgrifiad

Hen ysgubor wedi’i hadnewyddu’n llwyr i gynnig llety 4 seren, gyda twb poeth preifat a golygfeydd pellgyrhaeddol dros aber yr Afon Ddyfi, Bae Ceredigion a chefn gwlad Cymru. Mae’r bwthyn hwn wedi ei leoli ar fferm, lai na milltir o bentref Talybont gyda’i siop, tafarndai, fferyllfa a gorsaf betrol. Mae hefyd yn ganolog i dref glan y môr boblogaidd Aberystwyth, a thref Machynlleth - Prifddinas Hynafol Cymru. Dyma’r man delfrydol i ymlacio a mwynhau amser yn darganfod y traethau lleol ac atyniadau amrywiol.

Llawr Gwaelod

Cegin ac ardal fwyta ac eistedd agored, gyda system wresogi dan y llawr. Cegin yn cynnwys pob cyfleuster gan gynnwys peiriant golchi llestri, ac ardal fwyta hyfryd yn edrych allan dros yr ardd a’r caeau.

Mae’r lolfa yn cynnwys soffas cyfforddus, teledu mawr gyda Playstation 3 a chwaraewr DVD, gemau a fideos.

Ystafell arwahan gyda peiriant golchi dillad, peiriant sychu dillad a rhewgell.

Llawr Cyntaf

Grisiau derw agored yn arwain at ddwy lofft ac ystafell gawod.

Llofft ddwbl helaeth gyda gwely maint ‘super-king’ a golygfeydd anhygoel dros yr aber a’r môr.

Ail lofft eang gyda’r dewis o fedru cael gwely maint ‘super-king’ neu ddau wely sengl maint llawn - *gadewch i ni wybod eich dewis*. Cornel ddarllen yn edrych allan dros yr ardd a’r caeau.

Ystafell gyda chawod fawr bwerus, toiled a basn.

Gardd

Gardd breifat a chaeedig yng nghefn y bwthyn gyda twb poeth a dodrefn gardd i fedru mwynhau golygfeydd cefn gwlad. Offer Barbaciw ar gael.

Mae yna hefyd ddodrefn gardd o flaen y bwthyn i fedru mwynhau golygfeydd o’r aber a’r môr.

Gwybodaeth ychwanegol

• Croeso cynnes Cymreig yn cynnwys cacennau cartref
• Gwres a thrydan yn gynwysedig (gwres canolog Eco Biomass)
• Dillad gwelyau, tywelion llaw a baddon, a dau sychwr gwallt ar gael
• Wi-Fi ar gael
• Cot, cadair uchel a gât grisiau ar gael os dymunir
• Croeso i 2 anifail anwes
• Digon o le parcio
• Mae bond 'gofal da am lety' ar y llety hwn am £150, sydd yn ad-daladwy ac yn ddyledus i Y Gorau o Gymru ar yr un pryd â balans eich gwyliau. Neu, gallwch osgoi y bond hwn drwy, yn hytrach, dalu ffî sydd ddim yn ad-daladwy am £5 y person.

Ardal leol

Mae’r bwthyn hunan ddarpar hwn wedi ei amgylchynu gan olygfeydd prydferth ac eang dros aber yr Afon Ddyfi, Bae Ceredigion ac i fyny at fynyddoedd Eryri - mae’n leoliad perffaith i ymlacio a cael eich ysbrydoli. Ar ddiwrnod clir gellir gweld Ynys Enlli ar bwynt gorllewinol Penrhyn Llyn.

Yn rhan o fferm deuluol gellir mwynhau blas o fywyd yng nghefn gwlad Cymru, tra bod hefyd o fewn milltir i bentref Talybont gyda’i ystod o adnoddau yn cynnwys siop bentref, garej, a dwy dafarn gyda bwytai (Llew Du a Llew Gwyn) - mae’n werth ymweld â’r ddwy am fwyd a diod. Mae yna hefyd siop gymunedol boblogaidd yn Nhrerddol (3 milltir) sydd yn gwerthu llawer o gynnyrch lleol. Gerllaw mae tafarn y Wildfowler sydd hefyd yn paratoi bwyd. Ar gyfer bwyta allan, mae Matt’s Deli yn Bow Street (4 milltir) yn ogystal â Gwesty Cymru a Baravin yn Aberystwyth wedi eu cymeradwyo’n uchel.

Mae’r atyniadau agosaf i’ch bwthyn gwyliau yn cynnwys hafan bywyd gwyllt yr RSPB yn Ynyshir a Phrosiect Gweilch Dyfi - y ddau le wedi dod i amlygrwydd yn ddiweddar drwy raglen Springwatch y BBC. Mae’r traethau yn Borth (3.5 milltir) ac Ynyslas (5 milltir), cronfa ddwr Nantymoch (10 milltir) a Mynyddoedd y Cambrian werth ymweld â nhw. Mae gan yr ardal hefyd statws UNESCO fel un o’r ddwy warchodfeydd Biosffer yng Nghymru.

Mae tref glan y môr Aberystwyth (7 milltir) a Machynlleth, Prifddinas Hynafol Cymru (11 milltir) yn lefydd gwych am ddiwrnod allan.

Aberystwyth yw cartref Llyfrgell Genedlaethol Cymru, gyda promenâd llydan braf, Amgueddfa, Castell a Rheilffordd y Graig, lle y gwelir golygfeydd anhygoel o’r caffi ar y copa. Mae cyfleusterau yn cynnwys ystod eang o siopau, archfarchnadoedd, Canolfan Hamdden, caffis, tafarndai a bwytai. Mae Rheilffordd Gul yn arwain o Aberystwyth i fyny at Bont ar Fynach, gyda’i raeadrau enwog a nifer o lwybrau cerdded. Cafodd y ddrama dditectif Y Gwyll/Hinterland ei ffilmio o gwmpas Aberystwyth - fe dorrodd y ddrama hon dir newydd drwy gael ei darlledu yn y Gymraeg a’r Saesneg.

Fe gynhelir un o’r Marchnadoedd Stryd hynaf ym Mhrydain bob dydd Mercher yn nhref hynafol Machynlleth. Ceir yma lwybrau beicio, llwybrau cerdded, Canolfan Hamdden, siopau unigryw, bwytai a chaffis, a Senedd-dy cyntaf Cymru yn dyddio nol i’r bymthegfed ganrif. Ychydig filltiroedd i’r gogledd mae Canolfan y Dechnoleg Amgen, Canolfan Grefftau Corris a Labyrinth y Brenin Arthur.

Traethau

• Traethau hardd yn Borth (3.5 milltir) ac Ynys Las (5 milltir), gyda tref glan môr boblogaidd Aberystwyth ond 7 milltir i ffwrdd.

• Gellir ymuno â Llwybr Arfordirol Cymru Gyfan ond 0.5 milltir o’r bwthyn. Mae’r llwybr hwn yn arwain at y traeth yn Borth ac Aberystwyth ychydig o filltiroedd i’r de.
• Mae digon o fynyddoedd i’w dringo, yn cynnwys Pumlumon (Mynyddoedd y Cambrian) a Cader Idris (Eryri).

• Mae nifer o lwybrau beicio o fewn ychydig filltiroedd, yn ogystal â llawer o ffyrdd cefn ar gyfer cerdded a beicio.
• Beicio Mynydd Dyfi - pob llwybr yn arwain o Fachynlleth (11 milltir).
• Canolfan Beicio Mynydd Nant yr Arian - un o brif ganolfannau Beicio Mynydd yng Nghymru (12.5 milltir).

• Mae Borth yn leoliad da ar gyfer syrffio a hwylforio. Mae gwersi syrffio yn cael eu darparu ar draeth Borth gan ‘Aber Adventure’ (3.5 milltir).

• Clwb Golff y Borth - cwrs golff pencampwriaethol 18 twll (3.5 milltir).
• Clwb Golff Aberystwyth - cwrs golff 18 twll (7 milltir).
• Clwb Golff Machynlleth - cwrs golff 9 twll (11 milltir).

• RSPB yn Ynyshir (5 milltir).
• Prosiect Gweilch Dyfi (7.5 milltir).
• Canolfan Fwydo Barcutiaid Coch yn Nant yr Arian (12.5 milltir).

• Pysgota môr yn Aberystwyth - rhestr rywogaeth nodedig na welir ei thebyg ond yn nyfroedd toreithiog Dyfnaint a Chernyw (7 milltir).
• Gellir llogi llongau o’r Marina yn Aberystwyth (7 milltir).
• Pysgota plu yn Nant y Moch (brithyll brown) - 10 milltir (tocynnau diwrnod ar gael o’r Garej ym Mhonterwyd).

• Mae Canolfan Farchogaeth Rheidol yn cynnig dwy arena llawn maint gyda llifoleuadau - un y tu mewn ac un y tu allan, cwrs neidio a thraws-gwlad, a merlota gwych o gwmpas Cwm Rheidol (8.5 milltir).