Cardiff Bay Lodge

Disgrifiad

Llety ar gyfer grwpiau mawr ynghanol Bae Caerdydd - perffaith ar gyfer grwpiau o ffrindiau, dathliadau teuluol, partion stag ac iâr. Mae’r llety hunan-ddarpar hwn wedi ei gynllunio mewn steil unigryw gyda thema bwtîc. Mae’n cynnwys teledu plasma trawiadol 50" gyda phecyn chwaraeon a ffilmiau Sky a wifi am ddim drwy’r holl adeilad. Wedi ei leoli yng nghalon Bae Caerdydd, mae ganddo fwytai, bars, caffis a siopau di-ri ar drothwy ei ddrws, heb sôn am Ganolfan y Mileniwm, sinema, casino a llawer mwy. Mae canol y ddinas, yn cynnwys Stadiwm y Mileniwm, mwy o fwytai, tafarndai, siopau a chlybiau poblogaidd hefyd o fewn cyrraedd hwylus.

Mae’r llety hunan-ddarpar hwn ym Mae Caerdydd hefyd ar gael ar gyfer cyfarfodydd corfforaethol, cynadleddau a hyfforddiant. Cysylltwch â ni am y cyfraddau corfforaethol.

Is-lawr

Ystafell ymolchi gyda tholied ac ystafell arall gyda tholied a chyfarpar golchi dillad.

Bwrdd pwl a phêl droed bwrdd

Llawr Gwaelod

Lolfa fawr gyda 3 soffa gyfforddus, cadeiriau a gwely soffa dwbl. Mae’r teledu plasma 50" yn cynnwys chwaraeon a ffilmiau Sky.

Cegin fawr ac ardal fwyta gyda bwrdd helaeth. Mae’r gegin wedi ei dodrefnu’n gyflawn ac yn cynnwys popty nwy mawr, golchwr llestri ac oergell/rhewgell.

Ystafell ymolchi yn cynnwys bath gyda chawod drosto a thoiled.

Llawr Cyntaf

Ystafell wely fawr gyda 4 gwely sengl

Ail ystafell wely gyda 2 wely bync triphlyg (dwbl ar y gwaelod, sengl uwchben) a dau wely sengl ychwanegol os oes angen.

Ail Lawr

Trydedd ystafell wely fawr gyda 2 wely sengl.

Mae ystafelloedd gwely 4 a 5 wedi eu rhyng-gysylltu ac yn cynnwys 6 gwely sengl.

Ystafell ymolchi gyda tholied

Ystafell ymolchi gyda chawod

Ardal ar wahân i ymlacio.

Gardd

Daw’r llety mawr hwn i grwpiau, Bae Caerydd gyda byrddau gardd a chadeiriau ar y patio. Y llecyn perffaith i fwynhau’r heulwen neu ambell ddiod gymdeithasol yn ystod eich arhosiad.

Gwybodaeth Ychwanegol

Dillad gwely, tywelion bath a dwylo yn gynwysedig

*Noder y gellir uno’r holl welyau sengl i ffurfio gwelyau dwbl mawr ar gais.

Gwres a thrydan yn gynwysedig

Pecyn chwaraeon a ffilmiau Sky yn gynwysedig

Caniateir anifeiliaid anwes – ar gais (gwiriwch hyn cyn archebu)

Wifi am ddim drwyddo draw

Ni ddarperir llefydd parcio penodol ond gellir parcio ' Talu ac arddangos' ar hyd y strydoedd o amgylch y llety

Mae bond 'gofal da am lety' ar y llety hwn am £150, sydd yn ad-daladwy ac yn ddyledus i Y Gorau o Gymru ar yr un pryd â balans eich gwyliau. Neu, gallwch osgoi y bond hwn drwy, yn hytrach, dalu ffî sydd ddim yn ad-daladwy am £5 y person

Noder fod y llety hwn ar hyn o bryd yn aros i gael ei raddio yn swyddogol. Bydd unrhyw archeb a geir eu ganslo ar gyfer 'Cardiff Bay Lodge yn destun i ffi o £500. Felly, rydym yn cynghori gwesteion i gael yswiriant gwyliau yn ei le

Ardal leol

Mae’r llety mawr hunan-ddarpar hwn wedi ei leoli ynghanol Bae Caerdydd, o fewn 1 funud ar droed i Ganolfan Mileniwm Cymru a Chei’r Fôr-forwyn (Mermaid Quay) gyda’i fariau trendi, amrediad o fwytai, siopau ac orielau. Hefyd yn agos i’ch llety helaeth mae Canolfan Red Dragon gyda’i sinema aml-sgrîn, bars, bwytai, clwb nos a Casino. Mae Canol y Ddinas, sy’n cynnwys atyniadau megis Stadiwm y Mileniwm, Castell Caerdydd, Canolfan Siopa Dewi Sant 2 ayb o fewn 20 munud ar droed, neu mae gennych yr opsiwn o drafnidiaeth gyhoeddus hynod effeithlon i’ch cludo yno mewn 5 munud.

Bae Caerdydd yw datblygiad glan y dwr mwyaf cyffrous Ewrop. Mae yno amrywiaeth eang o atyniadau i ymwelwyr, gweithgareddau ac adloniant sydd wedi derbyn clod rhyngwladol, ynghyd â bariau, siopau a bwytai bywiog a cosmopolitan, oll wedi’u lleoli o amgylch llyn dwr croyw gwych, gan roi awyrgylch unigryw i lan dwr Caerdydd, sy’n deilwng o unrhyw brifddinas. Mae Bae Caerdydd yn gartref i Ganolfan Mileniwm Cymru, Y Senedd (adeilad y Cynulliad Cenedlaethol), cyfleuster hamdden a phwll nofio maint Olympaidd, canolfan dwr gwyn, clwb cychod pleser, a nifer o lwybrau seiclo a cherdded o amgylch morglawdd Bae Caerdydd.

Mae Caerdydd yn ddinas o atyniadau, chwaraeon, diwylliant ac adloniant. Mae Castell Caerdydd a’r tiroedd hardd yng nghanol y dref. Gyda’r stadia penigamp ar gyfer rygbi, pêl-droed, criced, athletau a Phentref Chwaraeon Rhyngwladol, mae’n hawdd gweld pam fod gan Gaerdydd enw fel dinas y campau.

Chwaraeon Dwr

Mae Canolfan Dwr Gwyn Rhyngwladol Caerdydd yn cynnig canwio, rafftio dwr gwyn, caiacio, ‘hydro speed’ a hot-dogging. (Darperir yr holl offer). 0.3 milltir

Cerdded

Mae Llwybr Canmlwyddiant Caerdydd yn ffordd wych o archwilio canol y ddinas ar eich dwy droed, a dysgu sut y datblygodd Caerdydd i fod fel y mae heddiw. 0.1 milltir.

Mae’r llwybr ar hyd Morglawdd Bae Caerdydd yn cynnig golygfeydd gwych ar draws y Bae. 0.2 milltir.

Pysgota

Gan ei bod yn ddinas glan môr, mae gan yr ardaloedd o amgylch Caerdydd gyfleoedd gwych ar gyfer pysgota môr. Gellir llogi cychod o Fae Caerdydd. 0.3 milltir

Mae afon Taf yn cael ei hadfer fel afon Eog, ac mae yno hefyd stoc enfawr o frithyll gwyllt a phenllwyd. Mae tocynnau dydd ar gael gan gymdeithasau lleol. 0.1 milltir.

Beicio

Mae Llwybr Taf yn llwybr aml bwrpas rhwng Caerdydd a thref farchnad Aberhonddu tua’r gogledd. 55 milltir (88km) o hyd, ac yn ffordd wych o weld de Cymru. 0.1 milltir

Merlota

Mae’r Ysgol Farchogaeth Caerdydd wedi’i hamgylchynu gan barc 35 erw yn agos at ganol y ddinas, a darperir ar gyfer pob agwedd o farchogaeth. 3.4 milltir

Golff

Mae nifer o gyrsiau yn yr ardal yn cynnwys cwrs mawreddog y Celtic Manor, cartref Cwpan Ryder 2010. 18 milltir.

Un o’r cyrsiau agosaf yw Parc Cottrell, lleoliad gwych yng nghanol 400 erw o barc hardd. 8 milltir.

Traethau

Gydag Arfordir Treftadaeth Morgannwg rownd y gornel, mae nifer o draethau ar gael, yn amrywio o gyrchfan brysur Ynys y Barri (9 milltir) i draeth tawel a hardd Southerndown (24 milltir).