Swallows Cottage

Disgrifiad

Gyda golygfeydd rhagorol o Fae Sain Ffraid, mae’r bwthyn gwyliau cysurus hwn i 2 wedi ei leoli’n gampus rhwng Ty Ddewi a Solfach. Caiff pentref Solfach ei adnabod fel perl Parc Cenedlaethol Arfordir Sir Benfro. Mae’r bwthyn hwn sy’n croesawu cwn o fewn pellter cerdded i’r arfordir ac yn ddelfrydol ar gyfer cerdded, hwylio neu ymlacio ymysg siopau, orielau a bwytai’r ardal hyfryd hon.

Llawr Gwaelod

Cegin ac ystafell fyw ar gynllun agored (gyda theledu digidol) yn wynebu’r ffenestr tua’r de a’r ardd. Hob nwy, popty trydan, microdon a gofod i rewi ar gael yn y rhewgell fawr a gaiff ei rhannu.

Ystafell wely ddwbl glud gydag ystafell ymolchi yn cynnwys toiled, basn, bath a chawod dros y bath.

Gardd

Patio preifat gyda dodrefn gardd yn edrych dros ardal laswelltog fawr amgaeedig y’i rhennir gyda’r ddau fwthyn arall ar y safle. Delfrydol i blant ac i anifeiliaid anwes.

Gwybodaeth Ychwanegol

Croesewir uchafswm o 2 anifail anwes* am £10 yr anifail, am wythnos lawn neu rannol. Taladwy i’r perchennog wrth gyrraedd.

Darperir dillad gwely, tywel dwylo a thywelion sychu llestri.

Darperir tywelion bath ar gais am £3 ychwanegol y person (taladwy i’r perchennog wrth gyrraedd). Tywelion yn gynwysedig ar gyfer ymwelwyr tramor yn unig.

Gwres canolog llawn yn gynwysedig

Cot a chadair uchel ar gael

Llefydd parcio ar gael

Derbyniad ffonau symudol yn amrywio yn ôl y darparwr - dim ond Orange sydd yn hollol ddibynadwy.

Dim ysmygu

Gellir trefnu i warchod plant.

*Derbynnir archebion sy’n cynnwys anifeiliaid anwes ar yr amod eu bod wedi eu trin am lyngyr. Noder na ddylid eu gadael ar eu pennau eu hunain yn y bwthyn nac yn yr ardaloedd cymunedol a dylid eu cadw oddi ar y dodrefn drwy’r amser. Mae perchennog yr anifail yn gyfrifol am lanhau ar eu holau. Byddwch yn ystyriol o westeion eraill sy’n ymweld ar yr un pryd â chi a’r rhai sydd yn dod ar eich holau. Noder hefyd nad yw rhai o’r traethau poblogaidd lleol yn caniatáu cwn yn ystod misoedd yr haf.

Ardal leol

Mae’r bwthyn hwn i ddau sydd yn croesawu cwn, yn nythu rhwng Solfa (milltir) a Thy Ddewi (2 filltir). Perffair ar gyfer gwyliau cerdded yng Nghymru, gyda llwybr cerdded enwog Arfordir Sir Benfro gerllaw i’ch bwthyn drwy Porth-y-Rhaw.

Adnabyddir Solfa (dim ond milltir o’r bwthyn hyfryd hwn i ddau) fel perl Parc Cenedlaethol Arfordir Sir Benfro, ac mae wedi ei leoli ar arfordir hyfryd Gorllewin Cymru. Yn lleoliad delfrydol ar gyfer cerdded, hwylio, pysgota neu yn syml, i ymlacio ymysg y siopau, orielau a’r bwytai ynghanol golygfeydd godidog. Er mai pentref bychan yw Solfa, mae ganddo doreth o lefydd da i fwyta ac yfed, ac mae llawer o’r sefydliadau rheiny yn arbenigo mewn bwydlen o fwyd môr lleol ffres. Fe ddewch o hyd hefyd i sawl tafarn leol sydd yn darparu bwyd da a naws groesawgar, ac mae yma hefyd siop leol gyda swyddfa bost, siop bapurau newydd a sawl eitem ar gyfer eich gwyliau megis offer pysgota ac offer traeth. O’r porthladd yn Solfa, gellwch gymryd taith cwch i weld y bywyd gwyllt lleol, neu hyd yn oed ar daith bysgota i ddal rhywfaint o bysgod ffres ar gyfer barbeciw. Mae neidio oddi ar y cei yn boblogaidd gyda llawer o’r plant lleol, yn yr un modd â physgota crancod. Gellir archebu gweithgareddau dwr a chychod hwylio hefyd o’r cei.

Mae Ty Ddewi (2 filltir) yn ddinas hardd ac unigryw, wedi ei hamgylchynu gan un o’r arfordiroedd godidocaf yn Ewrop. Wedi ei lleoli o fewn Parc Cenedlaethol Sir Benfro, mae Ty Ddewi yn enwog am ei golygfeydd arfordirol gwefreiddiol, ei harddwch a’i digonedd o fywyd gwyllt. Mae Eglwys Gadeiriol Ty Ddewi wedi bod yn bresenoldeb pwysig er y ddeuddegfed ganrif ac arferai fod yn gyrchfan pererindod poblogaidd trwy gydol yr Oesoedd Canol ac mae’n parhau hyd heddiw i ddenu cannoedd o ymwelwyr pob blwyddyn. Drws nesaf i’r gadeirlan saif adfeilion godidog Palas canoloesol yr Esgobion. Mae gan ddinas Ty Ddewi ddigonedd i’w gynnig i bob ymwelwr felly.

Traethau

Bae Caerfai - Y traeth tywodlyd agosaf i fwthyn gwyliau Swallows Cottage, Solfa yw traeth Caerfai, sydd yn berffaith ar gyfer teuluoedd. Mae ei leoliad yn caniatáu cysgod rhag gwynt, 4 milltir.

Traeth Niwgwl - Dyma draeth anhygoel, dwy filltir o hyd gyda thywod gwastad hyfryd a chlawdd o gerrig crwn mawr y tu ôl iddo. Ceir ymchwydd o donnau pwerus yma drwy gydol y flwyddyn, 3.8 milltir.

Traeth Porth Mawr - Mae’r Bae Baner Las hwn yn draeth teuluol poblogaidd oherwydd ei nofio diogel a’i dywod gwyn glan. Mae hefyd yn cael ei nodi fel un o’r mannau syrffio gorau yng Nghymru, 4.1 milltir.

Chwaraeon Dwr

Mae TYF Adenture yn cynnwys canwio, caiacio, mynd ar long gyda’r glannau a llawer mwy, 2 filltir.

Cerdded

Pa un ai eich bod awydd dro bach hammdenol lawr i Solfa neu heic wythnos, mae’r cyfan ar drothwy eich drws, gyda rhywle i dorri syched nid nepell i ffwrdd bob amser. Llwybr Arfordir Sir Benfro, 0.25 milltir.

Pysgota

Dim ond taith fer o’r bwthyn ac fe ddewch o hyd i gildraethau a mannau creigiog sydd yn darparu pysgota môr gwych, gan gynnwys rhywfaint o’r pysgota draenogiaid y môr gorau yn y Deyrnas Unedig, 0.25 milltir.

Teithiau Cwch Solfa - Pysgota ac ymweld ar ardal o borthladd Solfa, 1.3 milltir.

Golff

Dim ond dwy filltir o’r bwthyn mae Clwb Golff St Davids - un o’r tri chwrs naw twll sydd yn berlau ar hyd arfordir ugain milltir Sir Benfro, 2 filltir.

Beicio

Llwybr Beicio Cenedlathol 4, dim ond chwarter milltir o’r bwthyn ac yn rhedeg o Lundain i Abergwaun. Yn bennaf ar lonydd gwledig distaw, 0.25 milltir.

Ar gyfer beicio oddi ar y ffordd mae Llys-y-Fran yn barc gwledig mawr tu allan i Hwlffordd, 25 milltir.

Merlota

Mae Merlota St Davids yn darparu marchogaeth yn yr ardal ar geffyl Gypsy Vanner, gan fynd heibio dyffrynoedd a dolydd, am drochfa yn y môr neu i sblasho yn yr afon, 3.4 milltir.