Cei Gwaun

Disgrifiad

Mae'r bwthyn Cymreig hwn ar waelod Cwm Gwaun, gyda'r afon yn rhedeg i'r cei hardd gerllaw. Mae wyneb y bwthyn yn restredig ac wedi ei adnewyddu'n gariadus gan ddarparu yr hyn oll y byddwch ei angen ar gyfer gwyliau yng Ngogledd Penfro, yn cynnwys balconi trawiadol ar y llawr cyntaf sy'n edrych allan dros yr ardd gefn ac ymlaen i goetir hardd Cwm Gwaun. Mae tafarn draddodiadol, 'The Ship Inn' lai na munud i ffwrdd, yn ogystal a'r cei, sydd yn ddelfrydol ar gyfer caiacio, pysgota crancod a cherdded. Mae digon o draethau yn yr ardal ac hefyd ystod eang o weithgareddau ac atyniadau ar gyfer pob tywydd. 

Llawr Gwaelod

Lolfa/ardal fwyta gyda stôf goed (coed cychwynol ar gael), bwrdd a chadeiriau bwyta, cadeiriau a theledu, yn arwain drwodd i gegin gyda'r holl offer yn cynnwys hob 'induction', popty, meicrodon, peiriant golchi llestri, bar brecwast gyda 2 stôl, ac oergell/rhewgell mawr. Drws cefn yn arwain allan i'r ardd gyda lle i eistedd.

Lolfa/ystafell ddarllen gyda soffas lledr cyfforddus, teledu a stôf goed.

Ystafell iwtiliti gyda peiriannau golchi a sychu dillad, ystafell ymolchi gydag uned gawod, basn a thoiled. 

Llawr Cyntaf

Ystafell wely 1 - gwely dwbwl gydag en-suite yn cynnwys uned gawod, basn a thoiled.

Ystafell wely 2 - gwely dwbwl

Ystafell wely 3 - dau wely sengl

Ystafell wely 4 - gwely sengl

Ystafell ymolchi gyda baddon a chawod oddi mewn, basn a thoiled.

Landin gyda drysau patio yn arwain i'r balconi sy'n edrych allan i'r ardd gefn, a golygfeydd o Gwm Gwaun.

Tu Allan

Gardd gaeedig gyda lawnt a dodrefn gardd. 

Gwybodaeth Ychwanegol

• Pecyn croeso Cymreig yn gynwysedig    
• Gwres a thrydan yn gynwysedig    
• Dillad gwelyau a thywelion yn gynwysedig ond dewch â thywelion eich hun i'r traeth    
• Cot a chadair uchel ar gael os dymunir (dewch â dillad eich hun i'r cot)     
• Dim ysmygu 
• Croesewir anifeiliaid anwes - mwyafrif o 2 gi @ £20 y ci. Ni ddylid gadael cwn ar ben eu hunain ac ni chaniateir iddynt fynd fyny grisiau neu ar y gwelyau   
• Wifi ar gael
• Parcio ar gyfer un car - parcio ychwanegol yn y maes parcio cyhoeddus yn y Cei  
• Mae'r eitemau canlynol ar gael ar gyfer eich arhosiad - Cegin: pupur a halen, papur cegin, hylif golchi llestri. Ystafell ymolchi: sebon hylif a 2 rolyn papur toiled. Cynnyrch glanhau cyffredinol     

Gwybodaeth ar gyfer yr Anabl a'r Llai Abl   

• Mynediad gwastad i'r llety   
• Parcio rhwydd ac wyneb slabiau a choncrid i mewn i'r llety    
• Yr ystafelloedd gwely i gyd ar y llawr cyntaf   
• Croesewir cwn tywys