Bwthyn Amroth

Mae Bwthyn Amroth yn fwthyn ar wahân sydd wedi’i ddodrefnu’n gyfforddus, ac wedi’i leoli tua 500 llath o draeth Amroth ar ochr ddwyreiniol y pentref. Mae llwybr 186 milltir arfordir Penfro yn dechrau yma, ac yn ddelfrydol ar gyfer cerddwyr sydd am fwynhau golygfeydd hardd yr arfordir ar eu taith. Mae’r bwthyn gwyliau 3 milltir o Saundersfoot ac 8 milltir o Ddinbych-y-pysgod. Dyma Sir Benfro naturiol ar ei gorau.

Mae Amroth yn bentref arfordirol swynol yn ne Sir Benfro. Mae’r New Inn a’r Amroth Arms o fewn pellter cerdded byr, ynghyd â Gardd Goedwig Colby, ac ar yr ochr orllewinol, mae rhagor o dafarndai, bwytai, siop a chaffi. Bydd taith fer yn y car yn mynd â chi i bentref Wisemans Bridge a chyrchfannau poblogaidd Saundersfoot a Dinbych-y-pysgod.

Mae Dinbych-y-pysgod yn dref hyfryd sy’n llawn hanes hynafol ac wedi’i hamgylchynu gan wal ganoloesol fawreddog. Dywedodd adroddiad diweddar gan ‘Which?’ fod Dinbych-y-pysgod yn un o gyrchfannau gwyliau gorau’r DU, gyda chanol y dref yn dyddio o’r canoloesoedd a thraethau Baner Las ysblennydd. Mae Dinbych-y-pysgod wedi gweld nifer fawr o newidiadau dros y blynyddoedd, ond mae’r dref wedi parhau ar y map hamdden ers 200 mlynedd. A gyda’r holl brofiad hwnnw, mae pobl Dinbych-y-pysgod yn bendant yn gwybod sut i gynnig amser cofiadwy i bob ymwelydd.

Efallai hefyd y byddwch am ymweld â Chei Creswell gyda thafarn hardd y Cresselly Arms, Lawrenni, Tyddewi gyda’i eglwys gadeiriol hardd, Penfro, Arberth sydd â nifer o siopau a bwytai gwych, Caeriw gyda’r castell arbennig, ac mae nifer o leoedd eraill hefyd i’w harchwilio.

Mae’r ardal yn llawn atyniadau hamdden a gweithgareddau addas i bob aelod o’r teulu. Yn eu plith mae seiclo, pysgota, hwylio, hwylfyrddio, marchogaeth, bowlio, beicio pedair olwyn yng nghanolfan Ritec Valley Quad, reidiau i godi braw yng nghanolfan Oakwood, Folly Farm a Pharc Chwaraeon Gwledig Heatherton.

Traethau

Mae traeth Baner Las Amroth o fewn pellter cerdded hwylus. Gydag ansawdd arbennig i’r dwr, mae’n boblogaidd ar gyfer nofio, hwylfyrddio, pysgota a phob gweithgaredd arall ar y traeth. 500 llath.

Mae traeth Barafundle wedi ennill pleidlais fel un o draethau gorau Prydain a’r byd sawl gwaith; gyda phobl yn dweud ei fod fel un o draethau’r Caribî, ond yn well! 18 milltir

Cerdded

Os ydych am fynd am dro’n hamddenol neu am wythnos o gerdded, bydd rhywbeth ar gael ar ben y drws, a rhywle gerllaw hefyd i dorri eich syched. Llwybr Arfordir Penfro. 0.3 milltir

Beicio

Mae’r ffyrdd gwledig tawel yn ddelfrydol ar gyfer seiclo gyda theithiau addas i bob oed, o ddechreuwyr i seiclwyr profiadol. Mae’r llwybrau lleol yn cynnwys y Tramway, Brunel Trail, Cardi Bach, Llys y Fran. Mae llwybrau ffordd lleol yn dechrau reit wrth y Bwthyn. 0 milltir

Merlota

Mae Canolfan Weithgareddau Fferm Telpyn gerllaw yn cynnig merlota a gweithgareddau eraill. 1 filltir.

Pysgota

Mae nifer o draethau a chreigiau o fewn pellter cerdded byr o’r bwthyn sy’n cynnig pysgota môr gwych 200 medr. Teithiau pysgota ac i weld y golygfeydd o Harbwr Saundersfoot. 4 milltir.

Chwaraeon Dwr

Yr antur chwaraeon dwr gorau, gyda saffari môr ar jet-sgi, llogi caiac, llogi cychod, chwaraeon dwr yn cael eich tynnu, tonfyrddio a glinfyrddio. Tenby Watersports. 8 milltir

Golff

Mae gan Heatherton gwrs golff pitsio a phytio hynod boblogaidd a llwyddiannus yng nghefn gwlad hardd Sir Benfro, i herio golffwyr o bob gallu, trwy’r flwyddyn. 9 milltir.