Granar Gynolwyn

Mae’r bwthyn bach cysurus hwn wedi ei leoli ar fferm deuluol yn ne Eryri, drws nesaf i dy fferm y perchennog. Mae’n mwynhau golygfeydd anhygoel o Ddyffryn Dysynni, gyda’r môr a’r mynyddoedd ar garreg y drws; mae’r llety hunan ddarpar hwn yn Nhywyn yn cynnig y lleoliad delfrydol ar gyfer gwyliau yng ngogledd Cymru. Mae yna faes carafannau ar y fferm, wedi ei leoli mewn cae cyfagos.

Y pentref agosaf yw Abergynolwyn, ac yma fe geir caffi, swyddfa bost, tafarn a gorsaf trên stêm (1.5 milltir). Mae Caffi Ceunant, yn ogystal â thafarn The Railway Inn yn cynnig bwyd da, tra mae’r bwytai yng Ngwesty Minffordd, Tal-y-Llyn (3 milltir) a Tafarn Cross Foxes, ger Dolgellau yn cael eu cymeradwyo. Gellir dod o hyd i ystod o ddarpariaethau yn Nhywyn (7.5 milltir), gan gynnwys archfarchnad, banc, siopau amrywiol, bwyty gwych o’r enw Walkers Quality, a hyd yn oed sinema draddodiadol. Mae gan Tywyn gyswllt trafnidiaeth cyhoeddus da - ar drên neu fws.

Mae harddwch a llonyddwch yr ardal hudolus hon o Gymru yn eich amgylchynu, ac mae’n cynnwys Llyn Mwyngil (Llyn Tal-y-llyn), ysblander Cader Idris, a Chastell y Bere - castell Cymreig hynafol wedi ei adeiladu gan Llywelyn Fawr yn y drydedd ganrif ar ddeg. Y traeth agosaf yw Tywyn, gydag Aberdyfi 4 milltir i’r de ar hyd yr arfordir - tref lan y môr brydferth gyda traeth braf, caffis, siopau a bwytai.

Mae atyniadau poblogaidd eraill yn yr ardal yn cynnwys trên stêm Tal-y-llyn - gellir ymuno â’r trên yn Abergynolwyn, rhaeadr ysblennydd Dolgoch (hefyd ar lwybr y tren), Canolfan y Dechnoleg Amgen, Canolfan Grefftau Corris a Labyrinth y Brenin Arthur. Mae Craig y Deryn gerllaw hefyd - dyma’r unig fan yn Ewrop lle gwelir bilidowcars yn nythu ar y tir; mae’n dirnod ysblennydd ac unigryw.

Cerdded

• Llwybr Mari Jones (o garreg y drws)
• Llwybr cylchol ysblennydd, 12 milltir o hyd, sydd yn ymweld â Chastell Y Bere (castell Cymreig o’r drydedd ganrif ar ddeg) a Chraig y Deryn - man arbennig i fwynhau’r golygfeydd (o garreg y drws)
• Llwybr Rhaeadr Dolgoch (2.5 miltir) - taith gerdded fer i gyfres o raeadrau sydd yn byrlymu i lawr ceunant greigiog a choediog i bwll dwfn islaw (o garreg y drws)
• Cader Idris (taith gerdded fynyddig) - taith yn cychwyn o Lanfihangel y Pennant (1.5 milltir) ac yn dringo’n raddol am 10 milltir i’r copa - mae’r llwybr wedi ei raddio’n ganolig/caled
• Llwybr Arfordirol Cymru - o Tywyn gellir cerdded i’r gogledd tuag at y Friog (Fairbourne), neu i’r de ar hyd 4 milltir o dywod euraidd i Aberdyfi (7.5 milltir)

Traethau

• Tywyn - traeth tywod ynghyd â phromenâd a phwll padlo (7.5 milltir)
• Aberdyfi - traeth tywod hir - yn berffaith ar gyfer gwyliau teuluol (11.5 milltir)
• Fairbourne - tywod euraidd ar draeth sydd yn 2 milltir o hyd ar lanw isel (15 milltir)

Beicio

• Mae’r lonydd gwledig sydd yn cychwyn o garreg y drws yn ddelfrydol ar gyfer beicio. Gellir hurio beiciau yn Llanegryn (7.5 milltir)
• Beicio Mynydd Dyfi - pob llwybr yn cychwyn o Fachynlleth (13 milltir)
• Canolfan Feicio Mynydd Coed-y-Brenin - llwybrau addas ar gyfer pob oed (20 milltir)

Pysgota

• Wedi ei amgylchynu gan y môr, afonydd a llynnoedd, dyma un o’r ardaloedd pysgota gorau sydd ar gael. Rhowch gynnig ar bysgota o’r lan yn Nhywyn ac Aberdyfi, pysgota ar y llyn yn Nhal-y-llyn (3 milltir), neu bysgota ar afon Dysynni (ar stepen y drws).

Chwaraeon Dwr

• Mae Chwaraeon Dwr yn Aberdyfi yn cynnwys hwylio, rhwyfo, canwîo, pysgota a tripiau cychod (11.5 milltir)
• Bala - mae Llyn Tegid a’r Ganolfan Dwr Gwyn Cenedlaethol yn leoliadau gwych ar gyfer chwaraeon dwr (26 milltir)

Golff

• Clwb Golff Aberdyfi - cwrs golff 18 twll (11.5 milltir)

Marchogaeth

• Canolfan Farchogaeth Bwlchgwyn - addas ar gyfer unrhyw un dros 4 oed (15 milltir)