Gwel y Bryn

Wedi ei leoli yng Nghorris Uchaf yn ne Eryri, hen bentref chwarel oedd unwaith yn darparu llechi ar gyfer toeon ym mhob cwr o'r byd. Wedi ei amgylchynu gan dirwedd syfrdanol o fynyddoedd a llynnoedd. Lleoliad cyfleus ar yr A487, yn ganolog i ddwy dref farchnad - Machynlleth, Prifddinas Hanesyddol Cymru, a Dolgellau, cartref i dros 200 o adeiladau cofrestredig - mwy nag unrhyw dref arall yng Nghymru. 

Mae pentref Corris yn cynnig ystod o adnoddau ac atyniadau, o Ganolfan Grefftau Corris i Labyrinth y Brenin Arthur - antur danddaearol ar gwch drwy raeadr hudol i mewn yn ddwfn i fynyddoedd Eryri. Mae yma hefyd gaffi/siop a thafarn bentref. Gellir dod o hyd i fwy o adnoddau ym Machynlleth, 6.5 milltir i ffwrdd, yn cynnwys 3 archfarchnad (maint bach i ganolig), siop bapur newydd, siop fara, cigydd, caffis, tafarndai a bwytai. 

Ymysg y nifer o lefydd argymelledig i fwyta'n lleol mae Bistro No. 21 a Gwesty Wynnstay ym Machynlleth, Glan yr Afon ym Mhennal (9 milltir), Tafarn Cross Foxes (6 milltir), a Salt Marsh Kitchen yn Nhywyn (12 milltir). I brofi cwrw lleol mewn awyrgylch ymlaciol, beth am ymweld â'r Llew Gwyn ym Machynlleth neu Glan yr Afon ym Mhennal. 

Mae'r bwthyn hefyd yn ganolog i draethau euraidd Aberdyfi a Tywyn ar arfordir Gogledd Cymru; a Cader Idris, un o gopaon poblogaidd Parc Cenedlaethol Eryri. Os am ymweld â chestyll, mae Castell y Bere yn Llanfihangel-y-Pennant yn em dirgel, tra fod Castell Harlech i'r gogledd yn Safle Treftadaeth y Byd. Mae Corris a'r ardal o amgylch yn rhan o Biosffer Dyfi sy'n cael ei adnabod yn ryngwladol gan UNESCO. 

Mae rhai o atyniadau eraill yr ardal yn cynnwys Canolfan y Dechnoleg Amgen (4 milltir); Trên Stêm Talyllyn gydag injan Tomos y Tanc yn Nhywyn; Rhaeadr Dolgoch; yn ogystal â Machynlleth, cartref yr Hen Senedd-dy, marchnad stryd hynaf Ynysoedd Prydain, a galeri MOMA Cymru. Mae cwrs golff Aberdyfi; y Sba ym Mhlas Talgarth, Pennal; Gwarchodfa RSPB a Prosiect Gweilch Dyfi yn Ynyshir hefyd yn atyniadau poblogaidd.  

Cerdded

• Cader Idris – 3 prif lwybr yn cychwyn o Minffordd (1.5 milltir), Llanfihangel y Pennant (7.5 milltir), Dolgellau (9 milltir)  
• Llwybr Arfordirol Cymru Gyfan - llwybr byd enwog sy'n cynnig golygfeydd anhygoel ar y ffordd i Aberdyfi ac arfordir Gogledd Cymru. Gellir ymuno gyda'r llwybr ger Machynlleth (6 milltir)  
• Llwybr Glyndŵr - llwybr yng Ngogledd Cymru gafodd statws Llwybr Cenedlaethol yn y flwyddyn 2000. Gellir ymuno â'r llwybr ger Senedd-dŷ Owain Glyndŵr ym Machynlleth (6.7 milltir)  
• Llwybr Clywedog (Torrent Walk), Brithdir - llwybr cymhedrol 2½ milltir o hyd ar hyd yr afon (8 milltir)  
• Llwybr Cynwch, Llanfachreth - addas ar gyfer pob oed (12 milltir)   

Beicio

• Lôn Lâs Cymru (Llwybr 8, yn cysylltu De a Gogledd Cymru) - gellir cael mynediad o stepen y drws   
• Beicio Mynydd Dyfi – pob llwybr yn cychwyn o Machynlleth (6 milltir)   
• Llwybr Mawddach – addas ar gyfer pob oed. Delfrydol ar gyfer beicio, cerdded a defnyddwyr cadair olwyn. Dolgellau (9 milltir, ble gellir hurio beiciau) i Abermaw
• Canolfan Beicio Mynydd Coed-y-Brenin – llwybrau addas ar gyfer pob oed (17 milltir)   

Pysgota

• Pysgota ar lyn Talyllyn (3 milltir)  
• Afon Dyfi - yn cynnig pysgota gwych ac yn enwog am frithyll ac eog (6 milltir)   

Golff

• Clwb Golff Machynlleth – cwrs golff 9 twll (7 milltir)   
• Clwb Golff Aberdyfi - cwrs golff 18 twll (15 milltir)

Traethau

• Traeth Tywyn - traeth euraidd gyda promenâd a pwll padlo (12 milltir)   
• Traeth Aberdyfi – traeth euraidd hir ar ochr ogleddol aber yr afon Ddyfi. Tref glan môr braf gyda digon o gaffis, siopau a bwytai (15 milltir)  

Chwaraeon Dŵr

• Chwaraeon Dŵr yn Aberdyfi - yn cynnwys hwylio, bordio, rhwyfo, canŵio, pysgota a tripiau cychod (15 milltir)   

Marchogaeth

• Canolfan Farchogaeth Bwlchgwyn, Arthog - addas ar gyfer unrhyw un dros 4 oed (15.5 milltir)