Caban Betws

Disgrifiad

Caban pren clyd a moethus yn Eryri, wedi ei leoli mewn llecyn prydferth ger Betws y Coed ac yn berffaith ar gyfer teuluoedd bychain. Saif y caban yng nghalon Eryri gyda golygfeydd godidog o gefn gwlad ac mae ganddo ddigonedd o weithgareddau ac atyniadau ar drothwy ei ddrws. Mae hyn yn cynnwys Tree Tops Adventure, Chwarel Lechi Llechwedd, canolfan beicio mynydd, Sw Fynydd Bae Colwyn, llwybrau mynyddoedd Eryri, golff a Chanolfan Awyr Agored Plas y Brenin. Nifer o fwytai a thafarndai da a chyfleusterau eraill o fewn 2 filltir.

Llawr Gwaelod

Mae gan Gaban Betws ystafell fyw agored sy’n cynnwys cegin, le bwyta a lolfa. Mae’r gegin yn cynnwys popeth sydd ei angen arnoch - microdon, oergell/rhewgell, popty, hob a gril trydan, sinc, crochenwaith, cytleri, sosbenni a phadelli, offer cegin, gwydrau, tostiwr a thegell. Bwrdd bwyd gyda 4 cadair a gwresogydd ar y wal.

Yn ardal y lolfa ceir soffa lledr i 3 ac un gadair ledr, bwrdd coffi, teledu a DVD, consol gemau a lamp fawr ar gyfer darllen. Gwresogydd trydan ar ffurf stôf llosgi coed.

Cyntedd bychan rhwng yr ystafelloedd gwely a’r ystafell ymolchi i hongian cotiau.

Ystafell wely 1: Gwely dwbl gyda droriau bob ochr, lamp bwrdd, drych, cwpwrdd dillad dwbl a gwresogydd trydan ar y wal.

Ystafell wely 2: Gwely bync (ond yn addas ar gyfer plant), cwpwrdd dillad a 2 lamp. Gwresogydd trydan ar y wal.

Ystafell ymolchi yn cynnwys cawod drydan, rheilen cynhesu tywelion, drych â gwres, pwynt eillio, toiled a basn ymolchi.

Gardd

Deciau wedi eu goleuo’n dda gyda 2 wely haul, bwrdd picnic a pharasol.

Sied fechan ar gyfer storio offer ayb.

Gwybodaeth Ychwanegol

Dillad gwely, tywelion bath a dwylo yn gynwysedig

Gwres a thrydan yn gynwysedig

Llefydd parcio wrth ymyl y caban

Dim anifeiliaid anwes nac ysmygu.

Ardal leol

Mae'r caban pren 4 seren hwn yn Eryri mewn lleoliad hyfryd yng nghefn gwlad a chanol Eryri. Mae gan Betws y Coed sydd ddwy filltir i ffwrdd bopeth yr ydych ei angen.

Mae cerdded, mynydda, canŵio, dringo pen coed, beicio mynydd, golffio a physgota ymhlith yr amrediad eang o weithgareddau awyr agored sydd ar gael yn yr ardal.

Ceir nifer fawr o lynnoedd, afonydd a mynyddoedd gerllaw a gallwch gerdded i fyny Moel Siabod o drothwy drws Dol y Castell. Mae atyniadau poblogaidd yr ardal yn cynnwys pentref Betws-y-coed a’r Rhaeadr Ewynnol, Rhaeadr y Graig, Fairy Glen, yr Wyddfa gyda’i Drên Bach, Castell Dolwyddelan a Chwareli Llechwedd gerllaw ym Mlaenau Ffestiniog. Hefyd, ymhellach tua’r arfordir mae Gerddi Bodnant a Chastell Conwy.

Cerdded

Moel Siabod (Llwybrau Mynyddig Eryri) – Capel Curig. Taith dda i gerddwyr profiadol. 0 milltir – o drothwy’r drws.

Coedwig Gwydir i Bont y Pair - taith 5 milltir o Fetws-y-coed. Addas i bob oed (2-3 awr). 6 milltir o’r bwthyn.

Taith Llanrwst – Llanrwst. Taith gylchol 3.5 milltir hawdd / ganolig (tua 2 awr). 10 milltir o’r bwthyn.

Carneddau (Llwybrau Mynyddig Eryri) – Taith heriol, sy’n cynnwys 2il a 3ydd mynydd uchaf Cymru. Mae’r daith agosaf yn cychwyn yn Helyg, Capel Curig. 11 milltir

Glyderau (Llwybrau Mynyddig Eryri) – Llyn Ogwen. Taith heriol sy’n cynnwys 5 o’r 14 copa uchaf yng Nghymru. 11 milltir o’r bwthyn.

Llynnoedd Geirionnydd a Chrafnant (gan fynd heibio Fairy Falls) - Trefriw. Taith gylchol ganolig (tua 3 awr). 12 milltir o’r bwthyn.

Llyn Cowlyd (Llwybrau Hamdden Eryri) – Trefriw. Taith ganolig / egniol (tua 3 awr). 12 milltir o’r bwthyn.

Pysgota

Afon Llugwy - Betws-y-coed. Mae yma 2.5 milltir o afon y gellir ei physgota ag abwyd neu bluen. 6 milltir

Llyn Crafnant – Beth am roi tro ar ddal brithyll lleol yng nghanol golygfeydd hardd Dyffryn Conwy. 12 milltir

Golff

Clwb Golff Betws-y-coed - cwrs golff 18 twll, ar agor i rai sydd ddim yn aelodau trwy’r flwyddyn. 6 milltir

Beicio

Coedwig Gwydir – Beicio mynydd gyda milltiroedd o lwybrau coedwig, addas i bob lefel. 8 milltir o’r bwthyn.

Llwybr Penmachno – Mae’r llwybr 18 milltir hwn yn mynd â chi drwy gefn gwlad hardd Dyffryn Conwy. 10 milltir

Marchogaeth Ceffylau

Stablau Gwydyr – Penmachno. Mae croeso i unigolion a grwpiau. Staff cwbl gymwys a dewis o 30 o geffylau, yn dibynnu ar eich maint a’ch gallu. 8 milltir

Chwaraeon Dwr

Fairy Glen - Profiad gwefreiddiol i’r canŵyr arbenigol yn eich plith! Mae 2 gilomedr o rannau technegol gorau Prydain yn aros amdanoch yn Fairy Glen, Betws-y-coed. 6 milltir.