Bwthyn y Cipar

Mae Ciperdy wedi’i leoli i lawr lôn dawel, hanner milltir o’r brif ffordd, ar fferm yn ne Eryri lle cewch groeso Cymreig cynnes heb os. Mae’r bwthyn yn berffaith ar gyfer gwyliau ar fferm weithiol yng Nghymru gyda chyfleoedd i weld anifeiliaid fferm o stepen eich drws – ar glôs y fferm ac yn y caeau o’ch cwmpas.

Dim ond 1.5 milltir i ffwrdd mae pentref hanesyddol Pennal, sydd â siop bentref fach, a bwyty / bar hyfryd a chyfadeilad iechyd a hamdden Plas Talgarth. Yma, gallwch sbwylio eich hun drwy gael sesiwn dylino corff ac amrywiaeth o driniaethau harddwch, neu beth am fwynhau’r pyllau nofio cynnes – un o dan do ac un y tu allan – neu hyd yn oed sesiwn yn y gampfa?

Mae’r bwthyn hefyd wedi’i leoli rhwng Aberdyfi (6 milltir) a Machynlleth (5 milltir), ac mae gan y ddwy dref rywbeth arbennig i’w gynnig. Mae Aberdyfi wedi’i leoli mewn llecyn hyfryd lle mae’r mynydd yn cwrdd â’r môr ac mae’r traeth tywod yn ymestyn am 4 milltir, yr holl ffordd i Dywyn. O blith ei gyfleusterau mae cwrs golff 18 twll, teithiau cerdded hardd, chwaraeon dŵr, caffis a siopau gwych, a nifer o fwytai – argymhellwn Bistro Selar Pharoah a Sea Breeze.

Dim ond taith fer i’r cyfeiriad arall mae Machynlleth, sef prifddinas hynafol Cymru, lle mae senedd gyntaf Cymru yn parhau i sefyll hyd heddiw. Machynlleth sydd hefyd yn cynnal y farchnad stryd hynaf ym Mhrydain bob dydd Mercher, ac mae yno nifer o gyfleusterau eraill gan gynnwys llwybrau beicio mynydd, canolfan hamdden ac archfarchnad. Mae’r bwytai a argymhellir ym Machynlleth yn cynnwys Bistro Number Twenty One a’r Wynnstay.

Mae nifer o atyniadau agos eraill i ymweld â nhw yn ystod eich gwyliau ar fferm weithiol yng Nghymru, gan gynnwys Canolfan y Dechnoleg Amgen, Canolfan Grefftau Corris a Labrinth y Brenin Arthur. Mae rheilffordd stêm Tal-y-llyn yn ddiwrnod allan gwych ac mae hefyd yn rhoi mynediad i nifer o deithiau cerdded sydd â golygfeydd. Mae Gwarchodfa Natur Ynyslas hefyd yn atyniad poblogaidd tra bo’r daith gerdded i fyny Cadair Idris yn werth yr ymdrech heb os, gyda golygfeydd rhagorol i’ch gwobrwyo o’r copa.

Traethau

Traeth Aberdyfi – traeth tywod hir a phrydferth. 6 milltir

Traethau eraill ar hyd arfordir y Gogledd-orllewin.

Cerdded

Llwybr Arfordirol Cymru – mae modd ymuno â hwn 0.2 milltir o’r bwthyn.

Mae Llwybr Dyffryn Dyfi yn dilyn afon Dyfi o’r aber yn Aberdyfi i’r ffynhonnell ar gopa yr Aran Fawddwy ac yn ôl i lawr ar hyd ochr ddeheuol yr afon drwy Machynlleth ac i lawr i Borth. Mae mapiau a chanllawiau ar gael o’r ganolfan gwybodaeth i dwristiaid yn Aberdyfi. Ymunwch â’r llwybr ar stepen eich drws yn Cwrt. 0.2 milltir.

Llwybr Llyn Barfog – Bydd y daith gerdded 10 milltir hon yn mynd â chi i fyny’r bryniau y tu ôl i Aberdyfi i Lyn Barfog.

Cadair Idris (llwybr mynydd) – 3 prif lwybr yn dechrau o Finffordd (13 milltir), Llanfihangel-y-Pennant (18.5 milltir) a Dolgellau (20 milltir).

Beicio

Mae’r llwybr gwledig o’r bwthyn yn ddelfrydol ar gyfer beicio. 0 milltir

Beicio Mynydd Dyfi – Amrywiaeth o lwybrau beicio mynydd, i gyd yn dechrau o Fachynlleth. 5 milltir.

Golff

Clwb Golff Aberdyfi – cwrs golff 18 twll. 6 milltir

Clwb Golff Machynlleth – cwrs golff 9 twll. 5 milltir

Pysgota

Mae afon Dyfi yn cynnig cyfleoedd pysgota gwych, ac mae’n enwog am ei brithyll brown, ei eog a’r brithyll môr. 0.5 milltir

Mae’r ardal hon wedi’i hamgylchynu gan y môr, afonydd a llynnoedd, ac mae’n un o’r lleoliadau pysgota cyffredinol gorau sydd i gael. Rhowch gynnig ar bysgota ar lan y môr yn Aberdyfi (6 milltir) a Thywyn (10 milltir) neu bysgota ar lyn Tal-y-llyn (13.5 milltir). Darllenwch fwy am bysgota yn Aberdyfi a’r ardal o amgylch.

Chwaraeon dŵr

Mae’r chwaraeon dŵr sydd i’w cael yn Aberdyfi yn cynnwys hwylio, hwylfyrddio, rhwyfo, canŵio, pysgota a thripiau mewn cwch. 6 milltir.

Merlota

Canolfan Ferlota Bwlchgwyn – yn addas i unrhyw un dros 4 oed. 23 milltir.