Ciperdy

Mae’r bwthyn hyfryd hwn yn dyddio o ganol y ddeunawfed ganrif, ac mae ganddo le tân agored, ac ystafell chwaraeon. Dyma’r lle perffaith i gael gwyliau ar fferm weithredol yng Nghymru. Mae Ciperdy hefyd mewn lleoliad gwych ger y môr a’r mynyddoedd, gyda digonedd o atyniadau ar eich stepen drws. Mae’r rhain yn cynnwys llwybr arfordirol y gallwch ymuno ag ef 400 llath i ffwrdd, bwytai lleol gwych, traeth tywod godidog Aberdyfi, pentref hanesyddol Pennal a phrifddinas hynafol Cymru, Machynlleth – a hynny heb sôn am Ganolfan y Dechnoleg Amgen a llawer mwy.

Llawr Gwaelod

Mae gan y lolfa / ystafell fwyta groesawgar le tân agored a thrawstiau ar y nenfwd sy’n creu awyrgylch cynnes a chlyd. Darperir teledu a chwaraewr DVD, ynghyd â dodrefn ‘antique’.

Mae amrywiaeth dda o gyfarpar yn y gegin, gan gynnwys ffwrn drydan, oergell/rhewgell a microdon, ac mae hyd yn oed hen ffwrn fara o frics a ganfuwyd wrth wneud gwaith adnewyddu. 

Ystafell ymolchi fawr ar y llawr gwaelod gyda bath maint llawn, cawod ddwbl mewn uned ar wahân, tŷ bach a sinc.

Llawr Cyntaf

Mae’r grisiau’n arwain yn syth at ystafell wely ddwbl fawr gyda bwrdd gwisgo a byrddau wrth ochr y gwely a lampau arnynt. Er diogelwch, mae giât ar ben y grisiau a drws ar waelod y grisiau.

Drwy’r ystafell ddwbl hon, cewch fynediad i ail ystafell wely glyd gyda 2 wely sengl, cwpwrdd dillad, byrddau wrth ochr y gwely a lampau. Mae gan y ddwy ystafell nenfwd ar osgo gyda thrawstiau. 

Gardd

Mae’r drysau stabl traddodiadol o’r gegin yn arwain at ardal amgaeedig fechan â phatio gyda dodrefn gardd.

Mae adeilad fferm allanol wedi’i addasu, sy’n gweithredu fel ystafell golchi dillad ac ystafell chwaraeon ar gyfer y 3 bwthyn gwyliau ar y safle. Mae’r ystafell chwaraeon yn cynnwys bwrdd pŵl a bwrdd dartiau.

Yn ystod eich gwyliau ar fferm weithredol yng Nghymru, cewch gyfle i weld anifeiliaid ar glos y fferm ac yn y caeau o’ch cwmpas.

Gwybodaeth Ychwanegol

• Pan gyrhaeddwch, bydd hambwrdd gyda the a theisennau cri cartref yn eich disgwyl.
• Darperir dillad gwely, tyweli bach a mawr, a sychwr gwallt.
• Mae’r gwres canolog olew a’r trydan yn gynwysedig.
• Wi-fi ar gael.
• Cot teithio a sedd uchel ar gael ar gais. Dewch â’ch dillad gwely eich hunain ar gyfer y cot os gwelwch yn dda.
• Dim ysmygu a dim anifeiliaid anwes y tu mewn.
• Bydd hylif golchi llestri, cadach llestri, sbwng sgwrio, a llieiniau sychu llestri ar gael.
• Mae mannau parcio preifat oddi ar y ffordd ar gael.