Bwthyn hunan ddarpar hardd i 4 yn Abermaw gyda twb poeth preifat. Ymlaciwch a mwynhewch y lleoliad syfrdanol ar arfordir Gogledd Cymru gyda golygfeydd o fynyddoedd Eryri.
- £778 yr wythnos
- £111 y noson
- 4 Guests
- 2 Bedrooms
- 2 Bathrooms
- 2 Pets
Nodweddion
Gweithgareddau gerllaw
- Cerdded
- Dringo
- Beicio
- Chwaraeon dŵr
- Syrffio
- Pysgota
- Golff
- Marchogaeth
Nodweddion Arbennig
- WiFi
- Tân agored neu stôf goed
- Twb poeth
- Pecyn croeso
- Golygfeydd cefn gwlad
- Golygfeydd o'r môr neu'r arfordir
- Smart TV
Gwelyau ac ystafelloedd gwely
- Dillad gwely yn gynwysedig
- 1 gwely dwbl
- 2 o welyau sengl
Cegin
- Peiriant golchi dillad
- Peiriant sychu dillad
- Peiriant golchi llestri
- Rhewgell
Ystafell ymolchi
- 2 o doiledau
- Tywelion ar gael
- Cawod
Teuluoedd
- Addas i deuluoedd
Awyr Agored
- Gardd, iard neu batio
- Gardd neu iard amgaeëdig
- Barbaciw
- Parcio preifat
Hygyrchedd
- Toiled ar y llawr gwaelod
- Ystafell ymolchi ar y llawr gwaelod
- Cawod cerdded i mewn
Pwysig - noder os gwelwch yn dda
House Rules
- Amser cyrraedd: 16:00
- Amser gadael: 10:00
Disgrifiad
Bwthyn hunan ddarpar hardd i 4 yn Abermaw gyda twb poeth preifat. Ymlaciwch a mwynhewch y lleoliad syfrdanol ar arfordir Gogledd Cymru gyda golygfeydd o fynyddoedd Eryri. O fewn pellter cerdded i draeth hir tywodlyd, mae'r bwthyn hwn yn sefyll ar ben ei hun gyda gardd gaeedig, 0.7 milltir o bentref Tal-y-bont gyda'i dafarn bentref, siop a bwyty. Ymunwch â'r Llwybr Arfordirol o stepen eich drws, ymwelwch â'r siopau bach gwahanol, bwytai a chaffis yn Abermaw, a darganfyddwch Portmeirion a Castell Harlech, Safle Treftadaeth y Byd - i gyd o fewn ychydig filltiroedd.
Perffaith ar gyfer gwyliau ymlaciol ar lan y môr, mae Hafod yn cynnig eich lle eich hun ar ystad breifat sy'n cael ei rannu gyda pedwar bwthyn arall ar gyfer 2-5 o westeion, yn ogystal â parc gwyliau bychan. Os hoffech drafeilio gyda trên, mae llinell reilffordd Arfordir y Cambrian yn pasio drwy'r cae y tu ôl i'r ardd ac yn aros yn yr orsaf yn Talybont, lai na milltir i ffwrdd.
Llawr Gwaelod
Lolfa - yn arddull tŷ fferm traddodiadol Cymreig gyda lloriau derw a gwres o dan y llawr. Soffa a chadeiriau lledr i eistedd 4 o flaen teledu 50" gyda Freeview a pentân sy'n cynnwys basged gyda fflam a mwg ffug. Golygfeydd o Moelfre gerllaw - rhan o gadwyn mynyddoedd Rhinog, ac hefyd Eryri yn y pellter.
Ystafell haul - mynediad drwy ddrysau Ffrengig o'r lolfa, mae'r ystafell ymlaciol hon yng nghefn y bwthyn yn cynnig golygfeydd panoramig o gadwyn mynyddoedd Rhinog sydd yn rhedeg yn gyfochrog â'r arfordir tuag at Abermaw yn y De. Soffa a chadeiriau cansen gyda byrddau bach a drysau Ffrengig eraill yn arwain allan i'r teras ble lleolir y Twb Poeth, barbaciw carreg (gellir ei ddefnyddio hefyd i losgi coed) a dodrefn gardd. Mae'r ystafell haul a'r teras, sy'n wynebu'r De, yn edrych allan ar berllan fach ac yng ngwyneb yr haul drwy'r dydd o'r peth cyntaf yn y bore.
Cegin ac ardal fwyta - mynediad drwy'r ystafell haul neu'r cyntedd, mae'r gegin hefyd wedi ei lleoli yng nghefn y bwthyn ac yn edrych allan ar y berllan a'r mynyddoedd ar y gorwel. Fe geir yr holl offer angenrheidiol yn y gegin yn cynnwys oergell/rhewgell, peiriant golchi llestri, meicrodon, popty a hob ceramig, yn ogystal â pheiriant golchi dillad. Bwrdd bwyta derw o ble y gellir mwynhau'r golygfeydd drwy ffenest fawr.
Ystafell gawod gyda chawod ddwbwl fawr, toiled a basn.
Llawr cyntaf
Grisiau derw yn arwain i'r llawr cyntaf ble lleolir yr ystafelloedd gwely a'r ystafell ymolchi.
Ystafell wely 1 - ystafell helaeth gyda gwely dwbwl derw, teledu ar y wal, byrddau bach ger y gwely a chypyrddau dillad. Golygfeydd i'r Gogledd ar un ochr ac i'r De, Dwyrain a'r Gorllewin o'r ffenest yn y cefn. Mae'r golygfeydd hyn yn ymestyn o gadwyn mynyddoedd y Rhiniog i Cader Idris yn y De ac ar draws y bae tuag at Tŷ Ddewi.
Ystafell wely 2 - ystafell gyda 2 wely sengl derw a theledu ar y wal, byrddau bach ger y gwely a chwpwrdd dillad. Golygfeydd dros y caeau gyda Penrhyn Llŷn ar y gorwel.
Ystafell ymolchi - cawod ddwbwl fawr, toiled a 2 basn. Golau naturiol o ffenestri Velux yn y to.
Gardd
Mae patio a gardd gaeedig yn y bwthyn hunan ddarpar hwn yn Abermaw. Twb poeth preifat gyda soffa a chadeiriau rattan, bwrdd a barbaciw wedi ei adeiladu o gerrig ffug - gellir ei ddefnyddio ar gyfer coginio siarcol neu fel llosgwr coed. Fe gyflenwir yr holl danwydd angenrheidiol. Mainc bren yn y berllan i fedru mwynhau golygfeydd o fynyddoedd Eryri.
Gwybodaeth ychwanegol
- Pecyn croeso yn cynnwys te, coffi a siwgwr, cacen gartref a chyffaith wedi ei wneud yn lleol
- Gwres dan y llawr a thrydan yn gynwysedig
- Dillad gwely a thywelion yn gynwysedig
- 1 sychwr gwallt ar gael
- Wifi ar gael
- Coed yn gynwysedig ar gyfer y llosgwr coed tu allan
- Dim ysmygu tu mewn y llety
- Croesewir hyd at 2 anifail anwes am ddim - gadewch i ni wybod pan yn archebu
- Parcio tu mewn i gatiau i hyd at 2 gar
- Eitemau ychwanegol yn cynnwys:
- Cegin: pupur a halen, papur cegin, hylif golchi llestri/tabledi i'r peiriant, clytiau newydd, ffoil a ffilm glynu
- Ystafell ymolchi: sebon hylif a 2 rolyn papur i bob toiled
Lleoliad
Mae'r bwthyn hunan ddarpar hwn ger Abermaw yn mwynhau lleoliad heddychlon ar stâd breifat gyda golygfeydd syfrdanol o fynyddoedd Eryri ar y gorwel. Wedi ei leoli ar arfordir Gogledd Cymru, a thaith gerdded fer o draeth anhygoel - perffaith ar gyfer gwyliau glan môr ymlaciol. Tra bo'r parciau gwyliau niferus yn yr ardal yn brawf o boblogrwydd a harddwch y rhan yma o'r arfordir, mae Hafod yn rhoi i chi eich lleoliad preifat eich hunan a lle i fwynhau popeth sydd gan yr ardal i'w gynnig - dihangfa go iawn.
Ym mhentref Tal-y-bont (0.7 milltir) ceir tafarn o'r enw Ysgethin Inn lle gweinir bwyd, yn ogystal â Bwyty Eidalaidd Tony's, tra bod y bwyty/bar enwog Nineteen.57 lai na hanner milltir i ffwrdd. Gydag ystod o gaffis, bwytai, siopau ac archfarchnad 4.5 milltir i ffwrdd yn Abermaw fe geir digon o opsiynau i chi yn yr Hafod ar ôl i chi fod yn cerdded y Llwybr Arfordirol neu yn beicio Llwybr Mawddach. Mae bar sgodyn a sglodion NorBar hefyd ond 2 filltir i ffwrdd, ger Llanaber, tra fod Ael y Bryn yn Nyffryn Ardudwy (1.4 milltir) a George III ym Mhenmaenpool (11.5 milltir) werth ymweld â nhw.
I'r De, fe geir traeth Baner Las gwych yn Abermaw gyda golygfeydd anhygoel o'r mynyddoedd a llwybrau cerdded gwych ar hyd aber yr afon Mawddach. I'r Gogledd, fe geir traethau Dyffryn Ardudwy a Harlech, ynghyd â Chastell Harlech, Safle Treftadaeth y Byd, sydd yn edrych allan dros un o'r cyrsiau golff gorau yn y byd. Mae Pentref Eidalaidd Portmeirion a thref Porthmadog gyda'i Reilffordd Ucheldir Cymru hefyd yn ddiwrnodau allan poblogaidd, heb anghofio y ganolfan feicio mynydd enwog yng Nghoed y Brenin ger Dolgellau.
Wedi ei leoli oddi mewn i Barc Cenedlaethol Eryri, mae'r bwthyn hunan ddarpar hwn yn Abermaw yn baradwys i gerddwyr a dringwyr. Mae'n cynnig rhywbeth ar gyfer pawb, pun ai gweithgareddau chwaraeon, neu wyliau ymlaciol yn darganfod traethau tywod, neu fynd ar daith hamddenol i fwynhau golygfeydd syfrdanol o gefn gwlad Eryri.
Traethau
- Traeth Tal-y-bont - traeth tywod hardd o fewn taith gerdded fer o'r bwthyn (0.3 milltir)
- Traeth Bennar, Dyffryn Ardudwy - traeth gyda twyni tywod. Delfrydol ar gyfer syrffio a chredir ei fod yn un o'r traethau gorau yng Ngwynedd am donnau gwych cyson. Parcio gerllaw (2 filltir)
- Traeth Abermaw – traeth Baner Las (4.5 milltir)
- Traeth Harlech – traeth tywod (7 milltir)
Cerdded
- Llwybr Arfordirol Cymru – gellir ymuno o stepen y drws. Troi i'r dde tuag at draeth Bennar a'r Gogledd, neu droi i'r chwith tuag at draeth Abermaw a'r De (0 milltir)
- Copaon Y Llethr a Diffwys – Dyffryn Ardudwy – llwybr cymedrol/caled (1.4 milltir)
- Llwybr Panorama – Abermaw - addas ar gyfer pob oed (4.5 milltir)
- Llwybr Mawddach – Abermaw i Ddolgellau - addas ar gyfer pob oed – cerddwyr, beicwyr a defnyddwyr cadair olwyn (4.5 milltir)
- Cader Idris – 3 prif lwybr, yr agosaf yn Nolgellau (12 milltir)
Beicio
- Llwybr Mawddach – fel y sônwyd uchod (4.5 milltir)
- Canolfan Feicio Mynydd Coed-y-Brenin – addas ar gyfer pob oed (18 milltir)
Pysgota
- Tripiau pysgota môr o Abermaw (4.5 milltir)
Golff
- Clwb Golff Harlech – Royal St. David’s – cwrs golff 18 twll (7 milltir)
- Clwb Golff Dolgellau – cwrs golff 9 twll (14.5 milltir)
Marchogaeth
- Canolfan Farchogaeth Bwlchgwyn - addas ar gyfer pawb dros 4 oed (17 milltir)