- Special OfferUp to 20% off Special Offer Discount - selected dates
- £1,071 yr wythnos
- £153 y noson
- 6 Guests
- 3 Bedrooms
- 2 Bathrooms
- 1 Pet
Nodweddion
Gweithgareddau gerllaw
- Cerdded
- Beicio
- Chwaraeon dŵr
- Golff
- Marchogaeth
Nodweddion Arbennig
- WiFi
- Golygfeydd o'r môr neu'r arfordir
- Smart TV
Gwelyau ac ystafelloedd gwely
- Dillad gwely yn gynwysedig
- 2 o welyau dwbl
- 2 o welyau sengl
Cegin
- Peiriant golchi dillad
- Peiriant sychu dillad
- Peiriant golchi llestri
- Rhewgell
Ystafell ymolchi
- 2 o doiledau
- Tywelion ar gael
- Ystafell ymolchi en-suite
Teuluoedd
- Addas i deuluoedd
- Cot trafeilio
- Cadair uchel
Awyr Agored
- Gardd, iard neu batio
- Barbaciw
- Parcio preifat
- Pwynt gwefru modur trydan
Hygyrchedd
- Toiled ar y llawr gwaelod
- Ystafell wely ar y llawr gwaelod
- Ystafell ymolchi ar y llawr gwaelod
- Cawod cerdded i mewn
Pwysig - noder os gwelwch yn dda
House Rules
- Amser cyrraedd: 16:00
- Amser gadael: 10:00
Disgrifiad
Mae bwthyn gwyliau Stabal y March mewn lleoliad gwych, 1 milltir o Abersoch ym Mhenrhyn Llyn. Saif ar fferm deuluol draddodiadol o gig eidion a defaid ac fe’i trawsnewidiwyd yn gelfydd o hen stabl i fwthyn hunan-ddarpar sy’n berffaith ar gyfer teuluoedd. Ymysg yr enghreifftiau gorau o fythynnod gwyliau yn Abersoch mae 10 munud yn unig ar droed i’r traeth tywodlyd agosaf, Llwybr Arfordirol Llyn, chwaraeon dwr, nifer o dai bwyta gwerth chweil, siopau, tafarndai a llawer mwy.
Llawr Gwaelod
Mae bwthyn gwyliau’r Stabal yn cynnig cyfuniad difyr o drawstiau yn ardal y gegin/lolfa. Mae’r lle tân gyda’r stôf llosgi coed trydan yn nodwedd amlwg yn y lolfa, yn ogystal â’r ddwy soffa ledr sy’n eich gwahodd i eistedd ac ymlacio. Ymhlith holl gyfarpar y gegin ceir golchwr llestri, oergell, microdon a bwrdd gyda lle i 6 eistedd o’i amgylch.
Ceir tair ystafell wely - 2 ystafell ddwbl, un gydag ystafell ymolchi en-suite ac mae gan y drydedd ystafell wely wlâu twin. Mae yna ystafell ymolchi arall ar wahân sy’n cynnwys bath/cawod.
Gardd
Tu blaen y bwthyn ceir ardal patio gyda dodrefn gardd lle gellir mwynhau'r golygfeydd arbennig.
Gwybodaeth Ychwanegol
- Os ydych yn edrych am grwp o fythynnod gwyliau 5 seren yn Abersoch, mae 3 bwthyn hunanarlwyo arall ar y safle gan gynnwys Y Granar drws nesaf.
- Trydan a gwres canolog yn gynwysedig.
- Lleiniau gwely a thyweli yn cael eu darparu.
- Cot a chadair uchel ar gael ar gais. Dewch a’ch dillad gwely eich hunain i’r cot.
- Ystafell golchi dillad i'w rannu gyda chyfleusterau smwddio.
- Mae croeso i 1 anifail anwes am £25 ychwanegol. Nodwch os gwelwch yn dda mai dim ond yn yr ystafell fyw y caiff yr anifail anwes fod a ni ddylid ei adael yn y bwthyn ar ei ben ei hun.
- Dim ysmygu.
- Caniateir gwyliau byr, gwyliau penwythnos a gwyliau yn ystod yr wythnos yn ystod y tymor tawel. Gweler mwy o fanylion o dan ‘Prisiau’.
Lleoliad
Lleolir Bwthyn Gwyliau Stabal y March ar fferm draddodiadol teulu lleol sy’n cadw defaid a gwartheg. Filltir o bentref Abersoch a thaith gerdded 10 munud yn unig at y traeth tywod agosaf, dyma’r lleoliad perffaith ar gyfer eich gwyliau ar Riviera Cymru.
Er mai pentref bach yw Abersoch, mae yno wasanaethau da, gyda nifer o fannau bwyta a siopau da. Mae yno hefyd draeth tywod braf sydd wedi derbyn gwobr Baner Las, a bydd nifer o ddigwyddiadau hwylio cenedlaethol yn cael eu cynnal yno bob blwyddyn. Filltir oddi wrth y caban, mae pentref hardd Llangian, sydd ag eglwys yn dyddio o’r 6ed ganrif.
Mae Pen Llyn, lle mae’r iaith Gymraeg a’r ffordd Gymreig o fyw yn parhau i ffynnu, yn enwog am ei draethau hardd a chwaraeon dwr. Gyda bron i 100 milltir o arfordir trawiadol yn amgylchynu nifer o fryniau bach a mawr, ynghyd â mynyddoedd mawreddog Eryri yn y cefndir, mae’n le gwych i ddod am wyliau cerdded hefyd.
Ewch ar daith cwch i Ynys Enlli, cyn-safle pererindod crefyddol, rhowch dro ar bysgota, marchogaeth neu golff a manteisiwch ar y cyfle i gartio, bowlio deg ac ati ym Mharc Glasfryn. Mae’n werth ymweld â Phlas Glyn-y-Weddw - plasdy bendigedig sydd ag orielau, gerddi hardd ac ystafell de gyda golygfeydd gwych o’r môr, ac mae Rheilffordd Ffestiniog, nifer o gestyll a phentref Eidalaidd Portmeirion oll gerllaw.
Traethau
Traeth Abersoch – traeth tywod gyda gwobr Baner Las. 1 filltir
Ewch i weld 10 traeth gorau Penrhyn Llyn
Chwaraeon Dwr
Mae Traeth Abersoch yn cynnig dwr tawel ar gyfer tonfyrddio a sgïo dwr, hwylio, defnyddio cychod pwer a hwylfyrddio. 1 filltir
Mae Porth Neigwl yn lleoliad hynod boblogaidd gan syrffwyr a chorff-fyrddwyr. 2.5 milltir
Mae gan Bwllheli un o’r marinas gorau ar arfordir gorllewin Prydain. 5.5 milltir
Cerdded
Llwybr Arfordir Llyn – 84 milltir o amgylch Penrhyn Llyn, o Gaernarfon i Borthmadog. Ymunwch â’r llwybr o fewn hanner milltir i’r bwthyn
Yr Eifl - cadwyn o fynyddoedd sy’n cynnwys copa uchaf Penrhyn Llyn. 4.5 milltir o hyd. 15 milltir o’r bwthyn.
Pysgota
Darllenwch ragor am y cyfleoedd i bysgota ar Benrhyn Llyn – dewisiadau addas ar gyfer pob oed.
Golff
Clwb Golff Abersoch – cwrs golff 18 twll, wrth ymyl y traeth. 1.5 milltir.
Canolfan Golff Llyn – Pen-y-Berth. Maes ymarfer i 15, grin a byncer ymarfer a chwrs 9 twll gyda golygfeydd o’r môr. I ddechreuwyr a chwaraewyr profiadol – gellir llogi clybiau. 3 milltir.
Clwb Golff Pwllheli – cwrs golf 18 golff, addas ar gyfer golffwyr o bob oed a gallu. 6 milltir.
Clwb Golff Nefyn a’r Cylch - 26 twll, yn cynnig dau gwrs 18 twll pen clogwyn gyda golygfeydd arbennig o’r arfordir. 11 milltir.
Marchogaeth Ceffylau
Stablau Marchogaeth Llanbedrog – Gwersi marchogaeth ac ati. Teithiau traeth a mynydd. 1.5 milltir
Canolfan Farchogaeth Cilan – Abersoch. Teithiau traeth a mwy. Gwych i blant a dechreuwyr. 4 milltir.
Canolfan Farchogaeth Pen Llyn – Pwllheli. Bridfa a theithiau i rai ar bob lefel. 7 milltir.
Beicio
Darllenwch am gyfleoedd beicio ar Benrhyn Llyn
