Flying Scotsman

Uned glampio yn sefyll ar ben ei hun ar lawr dyffryn ar fferm weithiol oddi mewn i Barc Cenedlaethol Bannau Brycheiniog. Mae 3 bwthyn a 2 uned glampio ar y fferm, i gyd gydag ardal breifat. Y 3 bwthyn yw Onnen Fawr Cottage , Onnen Fawr Barn ac Onnen Fawr Farmhouse i gysgu cyfanswm o 35. Mae'r fferm wedi ei lleoli tua milltir o bentref gwledig Crai, yng nghalon Bannau Brycheiniog. Dyma wlad y barcud coch a gellir eu gweld yn aml yn hedfan uwchben y fferm. Mae'r fferm yn organig ac yn rhan o gynllun rheoli tir cynaliadwy Glastir.

Mae tafarndai, siopau a garej betrol 3 milltir i ffwrdd ym Mhontsenni. Mae hen dref farchnad draddodiadol Aberhonddu 7 milltir i ffwrdd. Drwy gydol y flwyddyn, cynhelir nifer o ddigwyddiadau yn yr ardal, gan gynnwys Gŵyl Jazz Aberhonddu, Gŵyl y Gelli, a Gŵyl y Dyn Gwyrdd, a chynhelir Sioe Amaethyddol Frenhinol Cymru sy’n fyd-enwog, a’r Sioe Aeaf hefyd, yn Llanfair-ym-Muallt. Yn y blynyddoedd mwyaf diweddar, mae’r Rali a’r ras feicio Tour of Britain wedi mynd drwy’r ardal hon. 

Sefydlwyd Parc Cenedlaethol Bannau Brycheiniog ym 1957, ac mae’n cynnwys rhai o’r ffurfiadau tir uchel mwyaf trawiadol ac unigryw yn Ne Prydain, gan gwmpasu ardal o 1,347 km² (520 milltir sgwâr). Mae nifer o atyniadau yn yr ardal gan gynnwys Rhaeadrau ysblennydd Ystradfellte, Rheilffordd Fynydd Aberhonddu ac ogofâu Dan yr Ogof, sef un o brif atyniadau teuluol Cymru ac a gafodd ei ethol yn rhyfeddod naturiol gorau Prydain. Bannau Brycheiniog yw’r Parc Cenedlaethol cyntaf yn y Deyrnas Unedig i gael statws Geoparc.

Er bod iddo leoliad gwledig a thawel, mae gan y llety gysylltiadau ffyrdd gwych i ddinasoedd mawr Abertawe (tua 45 munud) a Chaerdydd (tua 50 munud).

Teithiau cerdded
Mae llwybrau cerdded gwych o gwmpas Parc Cenedlaethol Bannau Brycheiniog, gan gynnwys dringo mynyddoedd Pen-y-fan, Cornddu a Chribyn, yn ogystal â Llwybr Epynt sy’n 90 km o hyd. Mae’r llwybrau’n mynd yn uniongyrchol o’r bwthyn (0.1 milltir) 

Pysgota
Mae’r bwthyn yn cynnwys hanner milltir o bysgota preifat ar afon Crai, llednant i’r afon eog enwog, y Wysg (0.1 milltir)

Beicio
Mae Llwybr Beicio Cenedlaethol 43 yn mynd â chi o Graig-y-Nos a thrwy Abertawe a’r Mwmbwls. Llwybrau lleol a gwledig (2 filltir)

Marchogaeth
Mae Gilfach Equitation, sydd wedi’i leoli ym Mannau Brycheiniog, yn cynnig merlota, marchogaeth mynydd, gwersi marchogaeth a chyrsiau marchogaeth (5 milltir)

Golff
Yng Nghlwb Golff Cradoc, mae cwrs 18 twll a maes ymarfer wedi’i oleuo. Mae golygfeydd anhygoel yno dros Fannau Brycheiniog a Phen y Fan (10 milltir)

Chwaraeon dŵr
Mae cyfleusterau da yma i bobl sy’n frwd am chwaraeon dŵr gan fod canŵio dŵr gwyn ar gael ar afon Wysg (3.0 milltir) ac mae Llyn Syfaddon hefyd gerllaw (18 milltir)