Cartws y Parc

Disgrifiad

Bwthyn gwyliau wedi ei adnewyddu’n hyfryd yng Nghanolbarth Cymru yw Cartws y Parc, wedi ei amgylchynu gan fryniau tonnog. Mae’r safle gwledig hwn hefyd yn cynnwys parc carafanau bychan, ac fel gwesteion yn y bwthyn moethus mae croeso i chi fanteisio ar yr amrediad o gyfleusterau eraill ar y safle hefyd. Mae'r rhain yn cynnwys ardal chwarae i blant, ystafell gemau fawr a llyn pysgota. Ceir llwybrau cerdded gwych gerllaw yn cynnwys Llwybr Cerdded Cenedlaethol Glyndwr. Delfrydol ar gyfer gwyliau cerdded a physgota, gwyliau gyda’r ci neu wyliau teuluol yn y Canolbarth.

Llawr Gwaelod

Ystafell fyw agored yn cynnwys cegin, lolfa a lle bwyta. Mae’r gegin yn cynnwys digonedd o lestri, gwydrau, sosbannau ac offer coginio. Mae hefyd yn cynnwys popty ffan trydan gyda hob ceramig gyda ffan, golchwr llestri, microdon, oergell a rhewgell.

Bwrdd bwyd gyda lle i 6 eistedd a bwrdd brecwast ar wahân.

Mae’r lolfa glyd yn cynnwys lle tân modern, teledu llydan a DVD, Hi-fi bychan, soffa ledr a gwely soffa dwbl (darperir dillad gwely).

Ceir hefyd ystafell ymolchi ar wahân ar y llawr gwaelod gyda chawod, basn, toiled a rheilen cynhesu tywelion.

Llawr Cyntaf

2 ystafell wely fawr. (gall 1 ystafell wely gysgu 3 a darperir gwely sengl ychwanegol ar gais)

Y ddwy ystafell wedi eu dodrefnu a’u haddurno yn hyfryd a hefyd yn cynnwys teledu sgrin fflat a chwaraewr DVD, sychwr gwallt a drych.

Ystafell ymolchi’r llawr cyntaf yn cynnwys toiled, basn a rheilen cynhesu tywelion.

Gardd

Ardal batio fechan gyda bwrdd a chadeiriau. Offer barbeciw a golau tu allan.

Ardal chwarae i blant ac ystafell gemau ar y safle.

Mae’r parc ei hun wedi ei amgáu gan goed aeddfed ac yn edrych allan ar Foel Bentyrch a’r dyffrynnoedd o’i amgylch.

Gwybodaeth Ychwanegol

Caniateir 1 anifail anwes

Dillad gwely, tywelion dwylo a bath yn gynwysedig

Darperir cot, cadair uchel a giât grisiau ar gais

Gwres a thrydan yn gynwysedig

Parcio preifat

Peiriant golchi a sychwr ar y safle (ffi i’w ddefnyddio)

Ffôn hefyd ar gael ar y safle

Wifi ar gael yn y bwthyn

Llyn Pysgota gydag ynys, hwyaid a gwyddau gwyllt ddau gae i ffwrdd, yn cynnig heddwch a thawelwch llwyr. Y llyn yn cynnwys stoc o bysgod carp, gwarchennod a rhuddbysgod. *Pysgota am ddim i westai ond bydd angen i chi ddod ag offer gyda chi (ychydig o offer ar gael).

Pecyn croesawu wrth i chi gyrraedd yn cynnwys diod poeth, llefrith, cacennau, wyau ffres o’r fferm a bara ffres.

Mae’r bwthyn yn croesawu anifeiliaid, 1 anifail ar y mwyaf.

Mae bond 'gofal da am lety' ar y llety hwn am £150, sydd yn ad-daladwy ac yn ddyledus i Y Gorau o Gymru ar yr un pryd â balans eich gwyliau. Neu, gallwch osgoi y bond hwn drwy, yn hytrach, dalu ffî sydd ddim yn ad-daladwy am £5 y person

Mae’r canlynol yn cael eu darparu yn y bwthyn ar gyfer eich arhosiad:

Cegin: hylif golchi llestri a thabledi ar gyfer y peiriant golchi.

Ystafell ymolchi: toiled rôl.

Cynnyrch glanhau cyffredinol : sebon, chwistrellydd, dwster a hwfer, a.y.b.

Ardal leol

Mae’r bwthyn gwyliau hwn wedi ei leoli ar barc carafanau bychan a dethol, ac wedi ei amgylchynu gan dir fferm. Mae’r parc ei hun wedi ei amgáu gan goed aeddfed gyda’i olygon i fyny fry tua Moel Bentyrch a’i ddyffrynnoedd cysgodol. Mae’r cyfleusterau ar y safle yn cynnwys golchdy, ffôn, llyn pysgota, ardal chwarae newydd ac ystafell gemau. Gellir chwarae pêl-droed, bowlio, dartiau, pwl, tennis fwrdd a mynd ar y siglenni i gyd yn y bwthyn hwn fel rhan o’ch gwyliau teuluol.

Mae’r dafarn leol wedi ei lleoli filltir i ffwrdd ym mhentref bychan Pontrobert a gellwch hefyd ymuno â dau lwybr cerdded poblogaidd yma, Llwybr Ann Griffiths a Llwybr Glyndwr (Llwybr Cenedlaethol). Mae’r Tan House Inn dair milltir i ffwrdd ac mae gan Feifod (5 milltir) dafarn, clwb rygbi a siop.

Mae gan Lanfair Caereinion (6 milltir) yr holl gyfleusterau angenrheidiol yn cynnwys siopau, tafarndai, banciau a hyd yn oed trên stêm. Mae tref farchnad brysur Y Trallwng (11 milltir) yn cynnig sawl atyniad yn cynnwys castell a chamlas a aiff a chi yn ôl i’r oes a fu.

Cymrwch y daith fer yn y car i Lyn Fyrnwy, lle y gellwch gymryd rhan mewn chwaraeon dwr a beicio, neu fwynhau dro hamddenol a chinio da. Mae golff a physgota yn boblogaidd yn y rhan hon o Gymru hefyd, gyda digonedd o gyrsiau golff a physgota llyn bras.

Os oes gennych chi ddiddordeb mewn cestyll a diwylliant, mae gan Ganolbarth Cymru fwy na digon. Gerllaw ceir Castell Dolforwyn, er enghraifft, a dyma’r castell olaf yr adeiladodd Llywelyn (Tywysog Olaf Cymru), rhwng 1273 a 1277. Mae’n rhaid i chi ymweld â Chastell Powys, a oedd yn gaer ganoloesol ar y dechrau, sydd yn enwog am ei erddi a’i gasgliad o baentiadau, ei gerfluniau, ei ddodrefn a’i dapestrïau.

Cynigia Portmeirion a mynyddoedd Eryri ddyddiau hamdden gwych tra bod merlota a theithio cwad ar gael yn lleol. Atyniadau eraill poblogaidd yw Rhaeadr Llanrhaeadr (yr uchaf yn y Deyrnas Unedig), y Ganolfan Technoleg Amgen a Labyrinth y Brenin Arthur.

Cerdded

Llwybr Ann Griffiths - llwybr 7 milltir yn dilyn afon Fyrnwy. Llawn golygfeydd o dirwedd amrywiol Powys a golygfeydd o fynyddoedd y Berwyn, 0.5 milltir o’r bwthyn.

Mae ffordd Glyndwr yn llwybr troed hir yng Nghanolbarth Cymru a dderbyniodd statws Llwybr Cenedlaethol yn y flwyddyn 2000. Ymunwch 0.5 milltir o’r bwthyn.

Ffordd Hafren - llwybr 12 milltir mwyn gyda chamlas Trefaldwyn o’r Trallwng (11 milltir) i’r Drenewydd.

Llwybr Clawdd Offa - Llwybr Cenedlaethol (177 milltir i gyd) yn dilyn y ffin rhwng Cymru a Lloegr. Y pwynt cychwyn agosaf ydy Tal-y-bont, 13 milltir i ffwrdd.

Pysgota

Llyn Pysgota ar y safle wedi ei stocio gyda llwynogod dwr, cochiaid, rhuddbysgod ac ysgretennod.

Afon Banwy - Llanfair Caereinion, hanner milltir o bysgota i lawr yr afon o bont y dref, 6 milltir.

Llyn Fyrnwy - Brithyll brown gwyllt, rhai brown wedi eu stocio a brithyll seithlliw, 10 milltir.

Golff

Clwb golff y Trallwng - cwrs golff 18 twll, 8.5 milltir.

Beicio

Llyn Fyrnwy - cylchdaith 11 milltir o amgylch golygfeydd hyfryd Llyn Fyrnwy. Addas i’r holl deulu, 10 milltir.

Chwaraeon Dwr

Llyn Fyrnwy - Canwio, caiacio, hwylio a hwylfyrddio - addas i’r holl deulu, 10 milltir.

Marchogaeth

Canolfan Ferlota Llety Mawr - Llangadfan, ffoniwch 01938 820 646 am fwy o wybodaeth, 11 milltir.