Ty’n Fron

Disgrifiad

Ysgubor sydd newydd ei hadnewyddu yn cynnig cymysgedd o'r traddodiadol a'r cyfoes. Mwynhewch y lleoliad tawel ac heddychlon, gyda'r fantais o gael tref farchnad Machynlleth a'i holl adnoddau o fewn ychydig dros 3 milltir. Safle gwych i fedru darganfod Canolbarth Cymru, De Eryri a Bae Ceredigion. Llwybrau cerdded trawiadol, rheilffyrdd stêm, a nifer o atyniadau eraill gerllaw. 

Llawr Gwaelod

Ardal fyw cynllun agored gyda nenfwd uchel uwchben y gegin a thrawstiau derw yn nodwedd trawiadol. Mae dwy step yn arwain at ddrws gwydr a phatio bychan gyda golygfeydd o gefn gwlad.

Cegin gyfoes gyda'r holl offer angenrheidiol yn cynnwys popty a hob trydan, meicrodon, peiriant golchi llestri ac oergell/rhewgell. 

Lolfa gyda llawr derw, dwy soffa a chadair o flaen teledu mawr ar y wal.

Ystafell ymolchi gyda toiled, basn, rheilen sychu tywelion, baddon a chawod arwahan.

Ystafell iwtiliti - yn cynnwys peiriannau golchi a sychu dillad, bwrdd a haearn smwddio a storfa. 

Ystafell wely 1 - gwely sengl gyda chypyrddau dillad. 

Llawr cyntaf

Ystafell wely 2 - gwely maint king, cypyrddau dillad, cadair a theledu. Mae'r ystafell yma wedi ei lleoli i un pen y bwthyn gyda mynediad i fyny grisiau arwahan (noder na ellir cael mynediad i'r ystafell ymolchi ar y llawr cyntaf o ystafell wely 2).

Ystafell wely 3 - gwely maint king, cypyrddau dillad a chadair. Mae'r ystafell hon wedi ei lleoli yn mhen arall y bwthyn.

Pen grisiau - yn cysylltu ystafell wely 3 gyda'r ystafell ymolchi ar y llawr cyntaf. Ardal ddarllen/ymlacio gyda dwy gadair gysurus a bwrdd bach. 

Ystafell ymolchi - gyda toiled, basn, baddon a chawod oddi mewn. 

Gardd

Gardd fawr y tu blaen i'r llety gyda golygfeydd ar draws y dyffryn. Dau fwrdd arddull bistro gydag wyth cadair i fwynhau bwyta allan ar y patio.

Garej fawr agored gyda sied y gellir ei chloi.

Gwybodaeth Ychwanegol

• Pecyn croeso yn cynnwys te, coffi, siwgwr, llaeth a chacen    
• Dillad gwelyau, tywelion a 2 sychwr gwallt yn gynwysedig      
• Gwres a thrydan yn gynwysedig - nid yw trydan yn cynnwys gwefru car. Mae croeso i westeion wefru ceir trydanol ond mi all olygu costau ychwanegol. Plîs gadewch i ni wybod wrth archebu os y byddwch angen gwefru eich car.  
• Wifi ar gael
• Cot trafeilio a chadair uchel i'w cael ar gais. Dewch â dillad eich hun i'r cot     
• Haearn a bwrdd smwddio    
• Dim anifeiliaid anwes nac ysmygu y tu mewn i'r bwthyn    
• Digon o le parcio   
• Fe ddarperir y canlynol: 
  • Cegin: halen a phupur, papur cegin, hylif golchi llestri a thabledi i'r peiriant, brwsh golchi llestri, ffoil a ffilm glynu    
  • Ystafell ymolchi: sebon hylif a 2 rolyn papur i bob toiled    
  • Cynnyrch glanhau cyffredinol