- Special OfferUp to 15% off Special Offer Discount - selected dates
- £539 yr wythnos
- £77 y noson
- 4 Guests
- 2 Bedrooms
- 1 Bathroom
- 1 Pet
Nodweddion
Gweithgareddau gerllaw
- Cerdded
- Beicio
- Chwaraeon dŵr
- Pysgota
- Golff
- Marchogaeth
Nodweddion Arbennig
- WiFi
- Pecyn croeso
Gwelyau ac ystafelloedd gwely
- Dillad gwely yn gynwysedig
- 1 gwely dwbl
- 2 o welyau sengl
Cegin
- Peiriant golchi dillad
- Peiriant sychu dillad
- Peiriant golchi llestri
- Rhewgell
Ystafell ymolchi
- 1 toiled
- Tywelion ar gael
Teuluoedd
- Cot
- Cadair uchel
- Giât diogelwch
Awyr Agored
- Parcio ar y stryd
Hygyrchedd
- Toiled ar y llawr gwaelod
- Ystafell wely ar y llawr gwaelod
- Ystafell ymolchi ar y llawr gwaelod
Pwysig - noder os gwelwch yn dda
House Rules
- Amser cyrraedd: 16:00
- Amser gadael: 10:00
Disgrifiad
O fewn pellter cerdded i bob cyfleuster gan gynnwys bwytai gwych, caffis a siopau unigryw, mae’r bwthyn hwn sy’n llawn cymeriad yn cynnig llety croesawgar i chi ym Machynlleth, sef tref farchnad fechan yn Nyffryn Dyfi hyfryd. Mae’r ardal yn rhan o Fïosffer Dyfi sydd wedi’i ddynodi gan UNESCO, ac mae hefyd yn borth deheuol i Barc Cenedlaethol Eryri. Mae Ysgubor Newydd yn enghraifft brin o adeilad canoloesol trefol, ac mae’n lle gwych i fynd i fwynhau prifddinas hynafol Cymru. Mae’n ganolog i ogledd, canolbarth a de Cymru gyda chysylltiadau trafnidiaeth gyhoeddus gwych o bob cyfeiriad.
Llawr Gwaelod
Mae’r llety hwn ym Machynlleth yn llawn cymeriad, ac mae’n eich croesawu gyda chyntedd mawr sy’n arwain i’r ystafell fyw ar y llawr cyntaf, a’r ddwy lofft a’r ystafell ymolchi ar y llawr gwaelod.
Ystafell wely 1 – Gwely dwbl gyda chypyrddau a lampau wrth ochr y gwely. Rheilen ddillad a chist ddillad.
Ystafell wely 2 – Ystafell wely â dau wely sengl maint llawn. Mae cypyrddau wrth ochr y gwely â lampau arnynt, a chwpwrdd dillad mawr â droriau. Simdde fawr nodweddiadol (addurn yn unig).
Ystafell ymolchi – Bath gyda chawod drosto, tŷ bach, basn ymolchi a rheilen cynhesu tyweli.
Llawr Cyntaf
Ystafell cynllun agored fawr sy’n defnyddio llawr cyntaf y bwthyn i gyd.
Cegin – Peiriant golchi llestri, peiriant golchi / sychu dillad, microdon a thegell, oergell, hob nwy a ffwrn drydan.
Man bwyta – Bwrdd bwyta gyda lle i hyd at 6 o westeion.
Lolfa – 2 soffa gyfforddus o flaen tân trydan gydag effaith fflam a lampau darllen. Teledu a chwaraewr BluRay / DVD.
Y Tu Allan
Mae’r bwthyn i lawr stryd dawel (lôn sengl), ac mae o fewn pellter cerdded i bopeth sydd gan Machynlleth i’w gynnig. Mae hyn yn cynnwys tir y Plas sy’n cynnwys gerddi addurniadol, mannau picnic, man chwarae plant a llwybrau cerdded hyfryd.
Ceir caffi / deli rownd y gornel o’r bwthyn hefyd ac mae digon o gaffis eraill, ystafelloedd te, bwytai a thafarndai croesawgar o gwmpas y dref.
Gwybodaeth Ychwanegol
- Mae’r pecyn sy’n eich croesawu yn cynnwys te a choffi, llaeth a siwgr, cacen a naill ai botel o win coch/gwyn neu 'fruit juice'.
- Gwres a thrydan yn gynwysedig.
- Darperir dillad gwely, a thyweli bach a mawr.
- Darperir 1 sychwr gwallt.
- Wi-fi ar gael.
- Mae cot babi, cadair uchel a giatiau ar ben ac ar waelod y grisiau ar gael ar gais. Dewch â’ch dillad gwely eich hun ar gyfer y cot os gwelwch yn dda.
- Croesewir 1 anifail anwes am ddim.
- Parcio am ddim drws nesaf i’r bwthyn (6yh – 8yb), neu yn y maes parcio y tu ôl i Moma Machynlleth ar bob adeg arall (200 llath o’r bwthyn) – am ddim hefyd.
- Mae’r eitemau eraill sydd ar gael i chi yn cynnwys:.
- Cegin: papur cegin, hylif golchi llestri/tabledi peiriant golchi llestri, cadachau llestri a/neu sgwrwyr newydd, ffoil a glynlen/cling ffilm
- Ystafell ymolchi:sebon llaw a 2 rolyn o bapur ym mhob tŷ bach.
- Cynnyrch glanhau cyffredinol:cannydd, glanhawr cawod, hylif gwrthfacteria ac ati.
Lleoliad
Mae’r llety hunan-ddarpar hwn ym Machynlleth wedi’i leoli i lawr stryd ochr dawel, o fewn pellter cerdded i amrywiaeth lawn o gyfleusterau’r dref. Mae Machynlleth yn dref farchnad hardd yng Nghanolbarth Cymru sy’n falch o’i hanes fel Prifddinas Hynafol Cymru: mae Hen Senedd-dŷ Owain Glyndŵr yn parhau i sefyll ac mae bellach yn arddangosfa sy’n cyfleu hanes a dewrder Tywysog olaf Cymru.
Mae Machynlleth hefyd yn gartref i Amgueddfa Celfyddydau Modern Cymru a’r farchnad stryd hynaf ym Mhrydain (bob dydd Mercher). Mae digonedd o gaffis bach hyfryd a siopau unigryw ar stepen eich drws, yn ogystal â dwy archfarchnad a nifer o fwytai da. Mae rhai o’r bwytai a argymhellir gennym yn cynnwys Bistro Number Twenty One a’r Wynnstay ym Machynlleth, y Llew Du yn Nerwen-las (2 filltir) a Glanyrafon ym Mhennal (4 milltir). Gallwch ddod o hyd i gyfleusterau eraill ym Machynlleth hefyd, gan gynnwys banciau, modurdai a nifer o fwytai prydau parod a thafarndai croesawgar fel y Llew Gwyn.
Ymhlith y prif atyniadau o’ch llety ym Machynlleth mae’r traethau tywod yn Aberdyfi (10 milltir) ac Ynyslas (12 milltir) ar ddau ben cyferbyniol yr aber, cwrs golff Aberdyfi, y Sba ym Mhlas Talgarth ym Mhennal, a Rheilffordd Stêm Tal-y-llyn. Mae’r ardal wedi ennill statws UNESCO fel ‘Biosffêr Dyfi’ a dyma fynedfa ddeheuol Parc Cenedlaethol Eryri.
Mae’r diwrnodau allan eraill sy’n boblogaidd iawn yn cynnwys Canolfan y Dechnoleg Amgen, Labrinth y Brenin Arthur a Chwareli Corris. I’r de, mae tref brifysgol glan y môr Aberystwyth, sy’n gartref i’r ganolfan gelfyddydol fwyaf yng Nghymru, rheilffordd stêm, sinema, Llyfrgell Genedlaethol Cymru a detholiad da o gyfleusterau a siopau. Drwy fod mewn lleoliad mor ganolog, mae gwyliau ym Machynlleth yn golygu bod Cymru gyfan o fewn pellter teithio hwylus, ac felly mae nifer y diwrnodau allan posibl bron yn ddiddiwedd.
Cerdded
- Grisiau Rhufeinig yn arwain at Fryn Glas a Llyn Glanmerin – llwybr cylchol sy’n dechrau o’r Plas ym Machynlleth. 01. Milltir.
- Llwybr Glyndŵr – llwybr hir yng Nghanolbarth Cymru a gafodd y statws Llwybr Cenedlaethol yn y flwyddyn 2000. Ymunwch â’r llwybr yn y dref, dros y ffordd i’r Senedd-dŷ – 0.2 milltir.
- Mae Llwybr Dyffryn Dyfi yn dilyn afon Dyfi o’r aber yn Aberdyfi i’w ffyhonnell ar gopa Aran Fawddwy ac yn ôl i lawr ar hyd ochr ddeheuol yr afon, drwy Fachynlleth ac i lawr i Borth. Ymunwch â’r llwybr ar stepen eich drws yn Machynlleth. 0.3 milltir.
- Cadair Idris – 3 prif lwybr yn dechrau o Abergynolwyn (12 milltir), Dolgellau (16 milltir) a Minffordd (18 milltir).
Beicio
- Mae Lôn Las Cymru (y llwybr beicio sy’n cysylltu’r gogledd a’r de) yn mynd heibio i’ch llety hunan-ddarpar ym Machynlleth. 0 milltir.
- Beicio Mynydd Dyfi – Mae pob llwybr yn dechrau o Fachynlleth. 0 milltir.
- Llwybr Mawddach – Addas i bobl o bob oedran. Perffaith ar gyfer beicio, cerdded a defnyddwyr cadeiriau olwyn. Dolgellau (16 milltir) i Abermo.
- Canolfan Beicio Mynydd Coed-y-Brenin – Addas i bobl o bob oedran. 24 milltir.
Pysgota
- Mae afon Dyfi yn cynnig pysgota gwych ac mae’n enwog am frithyll brown, eog a brithyll môr. 0.3 milltir.
Golff
- Clwb Golff Machynlleth – cwrs golff 9 twll. 0.5 milltir.
- Clwb Golff Aberdyfi – cwrs golff 18 twll. 10 milltir.
- Clwb Golff Borth – cwrs golff 18 twll. 14 milltir.
Traethau
- Aberdyfi – Traeth tywod hir ar ochr ogleddol aber afon Dyfi. Pentref glan y môr hyfryd gyda digonedd o gaffis, siopau a bwytai. 10 milltir.
- Ynyslas – Traeth hyfryd ar ochr ddeheuol aber afon Dyfi, gyda thwyni tywod yn gefndir iddo. Caffi a lle parcio ar y traeth. 12 milltir.
Chwaraeon Dŵr
- Mae’r chwaraeon dŵr sydd i’w cael yn Aberdyfi yn cynnwys hwylio, hwylfyrddio, rhwyfo, canŵio, pysgota a thripiau mewn cwch. 10 milltir.