Trefnant Hall

Mwynhewch olygfeydd panoramig anhygoel o Ddyffryn Hafren o'r llety steilus hwn, neu o'r twb poeth. Gyda nodweddion gwreiddiol, ystafelloedd gwely en-suite, a gerddi hardd, mae Trefnant Hall ond dwy filltir o'r dafarn bentref a siop yn Aberriw a 4 milltir o'r Trallwm. Lleoliad heddychlon yng nghanol Canolbarth Cymru gyda digon o bethau i'w gweld a'u gwneud. 

Wedi ei leoli ar fferm deuluol, mae Trefnant Hall wedi ei rannu yn ddwy uned ar wahân, gyda'r llety hunan ddarpar yn ffrynt yr adeilad a gyda golygfeydd panoramig o bob ystafell. Mae yna hefyd uned gwyliau ar wahân ar gyfer 3 o westeion gyda'i dwb poeth ei hun, os hoffech wahodd mwy o deulu a ffrindiau. 

Llawr Gwaelod

Cyntedd ysblennydd yn eich croesawu i Trefnant gydag ardal eistedd a grisiau mawreddog o'r unfed ganrif ar bymtheg yn arwain fyny i'r llawr cyntaf.

Ardal fyw agored gyda nenfwd uchel a dwy ffenestr fawr, yn eich galluogi i ymlacio mewn steil tra'n mwynhau'r golygfeydd gwledig. 

Cegin gyda'r holl offer yn cynnwys ynys, oergell/rhewgell, peiriannau golchi llestri a golchi dillad, popty dwbl a meicrodon.

Ardal fwyta - bwrdd bwyta derw gyda golygfeydd a lle eistedd i 8.

Lolfa - soffas lledr, teledu 40" freeview a chwaraewr DVD (bydd stôf goed ar gael o Hydref 2019).*

Llawr Cyntaf

Ystafell wely 1 - gwely dwbl gyda chypyrddau dillad, teledu ac ardal eistedd. En-suite gyda cawod cerdded mewn, toiled, basn a rheilen sychu tywelion. 

Ystafell wely 2 - gwely dwbl a lle tân haearn gwreiddiol. Cypyrddau dillad, cadair a theledu. En-suite gyda baddon a chawod oddi mewn, toiled, basn a rheilen sychu tywelion.

Ystafell wely 3 - gwely dwbl gyda lle tân haearn, cypyrddau dillad, cadair a theledu. Ystafell gawod en-suite, toiled, basn a rheilen sychu tywelion. 

Gardd

Mae'r drws ffrynt yn arwain yn syth allan i'r ardd gyda twb poeth preifat a lle i eistedd ar y patio i fwynhau'r golygfeydd. Ardal fwyta ar wahân yn edrych allan dros Ddyffryn Hafren. 

Gwybodaeth Ychwanegol

• Pecyn croeso yn cynnwys sgons/cacennau cri, gwîn, siocledi, te, coffi, llaeth a siwgwr      
• Gwres a thrydan yn gynwysedig      
• Pan gyflwynir y stôf goed yn Hydref 2019 bydd y fasgedaid gyntaf o goed yn gynwysedig. Gellir prynu mwy o goed am £5 y fasged     
• Dillad gwelyau a thywelion yn gynwysedig. Tywelion ar wahân ar gael i'r twb poeth    
• 1 sychwr gwallt ar gael    
• Wifi ar gael
• Cot trafeilio, cadair uchel a gât i'r grisiau ar gael ar gais. Dewch â dillad eich hun i'r cot     
• Caniateir hyd at 2 gi ar y llawr gwaelod yn unig - £25 y ci      
• Dim ysmygu tu mewn     
• Digon o le parcio
• Darperir y canlynol: Cegin - pupur a halen, papur cegin, hylif golchi llestri/tabledi i'r peiriant, clytiau, ffoil a ffilm glynu. Ystafell ymolchi: sebon hylif, siampw, sebon cawod a 2 rolyn papur i bob toiled. Cynnyrch glanhau cyffredinol