Onnen Fawr Farmhouse

Brecon, Mid Wales and Brecon Beacons

  • 4 Star
  • Special OfferUp to 20% off Special Offer Discount - selected dates

Gellir archebu'r llety hwn o:

  • £1,187 yr wythnos
  • £170 y noson
  • 4 Star

Nodweddion

Gweithgareddau gerllaw

  • Cerdded
  • Beicio
  • Chwaraeon dŵr
  • Pysgota
  • Golff
  • Marchogaeth

Nodweddion Arbennig

  • WiFi
  • Tân agored neu stôf goed
  • Ystafell chwaraeon
  • Twb poeth
  • Pwll nofio

Gwelyau ac ystafelloedd gwely

  • Dillad gwely yn gynwysedig
  • 2 o welyau king/super-king
  • 2 o welyau dwbl

Cegin

  • Peiriant golchi dillad
  • Peiriant golchi llestri
  • Rhewgell

Ystafell ymolchi

  • 3 o doiledau
  • Tywelion ar gael
  • Baddon

Teuluoedd

  • Addas i deuluoedd
  • Cot trafeilio
  • Cadair uchel

Awyr Agored

  • Gardd neu iard amgaeëdig
  • Barbaciw
  • Parcio preifat

Hygyrchedd

  • Toiled ar y llawr gwaelod
  • Cawod cerdded i mewn

Pwysig - noder os gwelwch yn dda

House Rules

  • Amser cyrraedd: 16:00
  • Amser gadael: 10:00

Disgrifiad

Un o dri o fythynnod hunan-ddarpar y gallwch eu harchebu gyda’i gilydd fel Group Accomodation in the Brecon Beacons ar gyfer 25 o bobl. Cymerwch gipolwg ar Onnen Fawr Cottage (cysgu 6), ac Onnen Fawr Barn (cysgu 11) i gael rhagor o wybodaeth.

Dyma fwthyn sy’n sefyll ar ei ben ei hun i 8 o bobl. Mae wedi’i leoli ym Mannau Brycheiniog, ar fferm gyda 2 fwthyn arall a gallech eu harchebu gyda’i gilydd neu ar wahân. Mae ganddo dwb poeth mawr preifat, gardd gefn a golygfeydd trawiadol ar draws cefn gwlad, ac mae’n lleoliad delfrydol ar gyfer gwyliau o fewn Parc Cenedlaethol Bannau Brycheiniog. Mae’r ardal yn wych os hoffech fynd i gerdded, beicio, beicio mynydd, neu bysgota (mae hawliau pysgota preifat wedi’u cynnwys) ac mae digonedd o weithgareddau bob tywydd ar gael hefyd. Mae’n ddelfrydol ar gyfer teulu mawr neu grŵp o ffrindiau.


Llawr Gwaelod

Cegin / ystafell fwyta – Cegin ffermdy draddodiadol a bwrdd bwyta mawr. Cegin gyda phopeth sydd ei angen arnoch, a bwrdd a chadeiriau i 8 o bobl allu eistedd yn gyfforddus.

Lolfa – Stôf llosgi coed o fewn lle tân nodweddiadol traddodiadol. Teledu a chwaraewr DVD.

Ail lolfa / ystafell ddarllen. Ardal ddelfrydol i blant, neu’n berffaith i’r oedolion ddianc iddi i fwynhau ychydig o dawelwch.

Ystafell iwtiliti gyda sinc a thŷ bach.

Llawr Cyntaf

Ystafell wely 1 – Gwely mawr iawn.

Ystafell wely 2 – Gwely mawr iawn gydag en-suite, tŷ bach ac uned gawod.

Ystafell wely 3 – Gwely dwbl.

Ystafell wely 4 – Gwely dwbl.

Prif Ystafell Ymolchi – Bath gydag uned gawod ar wahân, sinc a thŷ bach.

Y tu allan

Twb poeth preifat, gardd gefn breifat gyda phatio, ac ardaloedd â lawnt, barbeciw nwy a ‘kadai’. Mae erwau o dir ar y fferm y gallech chi fynd i’w crwydro, ac mae hawl ichi bysgota ar afon Crai.


Gwybodaeth Ychwanegol

  • Ni chaniateir anifeiliaid anwes.
  • Darperir dillad gwely a thyweli bath.
  • Mae cot teithio a chadair uchel ar gael. Dewch â’ch dillad gwely eich hunain ar gyfer y cot os gwelwch yn dda.
  • Gwres a thrydan yn gynwysedig.
  • Wi-fi – Er gwybodaeth, mae hwn yn fand eang gwledig ac mae’n bosibl na fydd mor gyflym â’r hyn rydych wedi arfer â’i ddefnyddio.
  • Digon o barcio preifat oddi ar y ffordd.
  • Mae beiciau mynydd ar gael i’w llogi o’r fferm (£25 am ddiwrnod llawn neu £15 am hanner diwrnod). Mae modd trefnu i drosglwyddo beiciau i lwybrau cyfagos neu eu dychwelyd.
  • Mae’r bwthyn wedi’i leoli ar fferm weithredol ac ni ddylid gadael i blant ifanc grwydro o gwmpas y fferm heb eu goruchwylio.
  • Ni ellir sicrhau signal ar gyfer pob rhwydwaith ffôn symudol.
  • Ystafell chwaraeon fawr wedi’i rhannu.
  • Hanner milltir o hawliau pysgota preifat ar afon Crai (un o lednentydd afon Wysg sy’n fyd-enwog am eog).
  • Mae digon o wybodaeth yn y bwthyn am lwybrau cerdded, llwybrau beicio lleol ac ati.
  • Mae archfarchnadoedd yn dosbarthu i’r ardal.
  • Ni ddylid defnyddio’r twb poeth ar ôl 10 o’r gloch y nos.
  • Mae’r twb poeth ar y safle er mwynhad y gwesteion, ac nid yw wedi’i adlewyrchu yn y gost ar gyfer yr eiddo. Mae gan y perchnogion yr hawl i gau unrhyw sbas ar unrhyw adeg os bydd angen gwneud gwaith cynnal a chadw angenrheidiol.
  • Coeden Nadolig gyda goleuadau a Siôn Corn dros gyfnod y Nadolig.

Mae modd archebu’r llety hwn ar y cyd â’r 2 lety drws nesaf, Onnen Fawr Cottage ac Onnen Fawr Barn, ar gyfer cyfanswm o 25 o bobl.

 

Lleoliad

Mae’r ffermdy hwn wedi’i leoli ar iard fferm gyferbyn â dau fwthyn, Onnen Fawr Cottage ac Onnen Fawr Barn. Mae’r fferm wedi’i lleoli tua milltir i ffwrdd o bentref gwledig tawel Crai, sydd yng nghanol Bannau Brycheiniog. Dyma gynefin y barcut coch a gallwch weld yr adar hyn yn aml yn hedfan uwchben y fferm. Mae’r fferm gyfan hon yn organig ac yn cael ei rhedeg o fewn cynllun rheoli tir cynaliadwy Glastir.

Mae rhagor o dafarndai, siopau a garej betrol 3 milltir i ffwrdd ym Mhontsenni. Mae hen dref farchnad draddodiadol Aberhonddu 7 milltir i ffwrdd. Drwy gydol y flwyddyn, cynhelir nifer o ddigwyddiadau yn yr ardal, gan gynnwys Gŵyl Jazz Aberhonddu, Gŵyl y Gelli, a Gŵyl y Dyn Gwyrdd, a chynhelir Sioe Amaethyddol Frenhinol Cymru sy’n fyd-enwog, a’r Sioe Aeaf hefyd, yn Llanfair-ym-Muallt. Yn y blynyddoedd mwyaf diweddar, mae’r Rali a’r ras feicio Tour of Britain wedi mynd drwy’r ardal hon.

Sefydlwyd Parc Cenedlaethol Bannau Brycheiniog ym 1957, ac mae’n cynnwys rhai o’r ffurfiadau tir uchel mwyaf trawiadol ac unigryw yn Ne Prydain, gan gwmpasu ardal o 1,347 km2 (520 milltir sgwâr). Mae nifer o atyniadau yn yr ardal gan gynnwys Rhaeadrau ysblennydd Ystradfellte, Rheilffordd Fynydd Aberhonddu ac ogofâu Dan yr Ogof, sef un o brif atyniadau teuluol Cymru ac a gafodd ei ethol yn rhyfeddod naturiol gorau Prydain. Bannau Brycheiniog yw’r Parc Cenedlaethol cyntaf yn y Deyrnas Unedig i gael statws Geoparc.

Er bod iddo leoliad gwledig a thawel, mae gan y bwthyn gysylltiadau ffordd gwych i ddinasoedd mawr Abertawe (tua 45 munud) a Chaerdydd (tua 50 munud).

Teithiau cerdded
Mae llwybrau cerdded gwych o gwmpas Parc Cenedlaethol Bannau Brycheiniog, gan gynnwys dringo mynyddoedd Pen-y-fan, Cornddu a Chribyn, yn ogystal â Llwybr Epynt sy’n 90 km o hyd. Mae’r llwybrau’n mynd yn uniongyrchol o’r bwthyn. 0.1 milltir.

Pysgota
Mae’r bwthyn yn cynnwys hanner milltir o bysgota preifat ar afon Crai, llednant i’r afon eog enwog, y Wysg. 0.1 milltir.

Beicio
Mae Llwybr Beicio Cenedlaethol 43 yn mynd â chi o Graig-y-Nos a thrwy Abertawe a’r Mwmbwls. Llwybrau lleol a gwledig. 2 filltir.

Merlota
Mae Gilfach Equitation, sydd wedi’i leoli ym Mannau Brycheiniog, yn cynnig merlota, marchogaeth mynydd, gwersi marchogaeth a chyrsiau marchogaeth. 5 milltir.

Golff
Yng Nghlwb Golff Cradoc, mae cwrs 18 twll a maes ymarfer wedi’i oleuo. Mae golygfeydd anhygoel yno dros Fannau Brycheiniog a Phen y Fan. 10 milltir.

Chwaraeon dŵr
Mae cyfleusterau da yma i bobl sy’n frwd am chwaraeon dŵr gan fod canŵio dŵr gwyn ar gael ar afon Wysg (3.0 milltir) ac mae Llyn Syfaddon hefyd gerllaw (18 milltir).