Deri'r Cwm

Mae bwthyn Deri’r Cwm yn cynnig gwyliau teuluol yng Nghymru. Wedi ei leoli ar fferm weithiol ger pentref Mydroilyn (siop a thafarn), yng nghefn gwlad hyfryd Gorllewin Cymru. Mae Mydroilyn wedi ei leoli hanner ffordd rhwng Cei Newydd (7 milltir, ar yr arfordir) a Llanbedr (12 milltir i’r dwyrain) ac yn cynnig gweithgareddau diddiwedd i deuluoedd. Ar y safle mae gennych chi fwthyn gwyliau moethus gyda chyfleusterau pysgota (fel rhan o’ch gwyliau) a thwb poeth i’w rannu, ardal tu allan i’r plant chwarae, ystafell gemau ac mae’r perchnogion yn cynnig taith o amgylch y fferm gyda’r ffermwr i weld yr anifeiliaid.

O fewn ychydig filltiroedd mae gennych chi dref arfordirol bictiwresg Cei Newydd gyda’i cherdded, ei physgota, ei thraethau tywodlyd, ei bwytai sydd yn tynnu dwr i’ch dannedd a’i thripiau cwch gyda Bae Ceredigion i weld y dolffiniaid a.y.b. Mae gwersi caiacio a hwyl fyrddio hefyd ar gael yng Nghei Newydd. Os ydych chi’n chwilio am wyliau llawn gweithgareddau, mae’r bwthyn 4 milltir i ffwrdd o Ganolfan Weithgareddau Llain, Go-cartio Bae Ceredigion a Chanolfan Saethu Paent.

Mae Bae Ceredigion a’i Arfordir Treftadaeth, sydd yn frith o gyrchfannau gwyliau, yn gartref i’r dolffin trwynbwl, llamhidyddion a morloi. Mae tref borthladd Sioraidd Aberaeron saith milltir i’r Gogledd. Mae’r dref hon yn berl amaethyddol ac yn fwrlwm o ddiddordeb, gyda’i Acwariwm Môr, bwyty enwog yr Harbourmaster ac ystâd Ymddiriedolaeth Genedlaethol Llanerchaeron. Teithiwch i mewn i’r wlad o Aberaeron i Ddyffryn Teifi. Yn ffefryn gydag ymwelwyr, mae Rhaeadr Cenarth yn llecyn o harddwch enwog. O Aberystwyth, teithiwr ar drên bach Rheidiol er mwyn profi rhaeadr Pontarfynach neu ymweld ag adfeilion hen Abaty Ystrad Fflur, ger Pontrhydfendigaid ym Mynyddoedd y Cambrian. Yn ganolog ar gyfer teithio Cymru ac yn berffaith ar gyfer gorchwylion megis pysgota gyda gwialen, hwylio, gwylio adar, beicio a cherdded.

Traethau

Mae traeth Cei Newydd yn draeth helaeth, tywodlyd ac wedi ei gysgodi’n dda gan yr awel. Mae’r traeth Baner Las (traeth yr harbwr) yn boblogaidd yn ystod misoedd yr haf, 7.5 milltir.

Mae Cei Bach yn draeth hyfryd, tipyn tawelach na thraeth Cei Newydd, 6.1 milltir.

Gellwch ddewis o hwylio gyda dingi, mordaith ar fad hwylio, cwch bwer, hwylfyrddio a chaiacio gyda sesiynau byr a hir ar gael sydd yn addas ar gyfer pob lefel a gallu. Chwaraeon Dwr Ceredigion, 7.5 milltir.

Mae Tresaith mewn bae bychan cysgodol ac wedi ei enw ar ôl yr Afon Saith sydd yn trochi fel rhaeadr dros y clogwyni i’r traeth. Mae’r gan y traeth lithrfa ac mae’n gyrchfan hwylio poblogaid. Traeth gwych ar gyfer chwaraeon dwr, llydan a thywodlyd. Parcio cyfyngedig, 12 milltir.

Cerdded

Mae Llwybr Cerdded Ceredigion yn cysylltu gyda holl gyfoeth amgylcheddol, naturiol a threftadaeth un o ardaloedd arfordirol harddaf Cymru, 7.5 milltir.

Pysgota

Llyn brithyll ar y safle, perffaith ar gyfaint rhywfaint o bysgota pry, denu ac abwyd, 0 milltir.

Mae yna bysgota môr gwych o amgylch ardal Cei Newydd, ac mae wal yr harbwr yn parhau i fod yn fan poblogaidd gan blant. Mae’r ardal yn enwog fel llecyn da am ddraenogiaid y môr. Mae cychod ar gael o borthladd Cei

Newydd, derbynnir archebion ar y cei, 7.5 milltir.

Pysgota bras - llawer o lynnoedd ac afonydd gan gynnwys Pysgodfa Fras Llanarth, 5.4 milltir.

Pysgota Gêm - Afon Teifi yw un o afonydd eog enwocaf y Deyrnas Unedig.

Golff

Clwb golff Cwmrhydneuadd - Cwrs golff cyhoeddus naw twll Par 31. Mae’r cwrs golff yn agored gydol y flwyddyn ac anaml iawn y bydd ar gau oherwydd tywydd garw a gan amlaf nid oes angen archebu ymlaen llaw, 11.6 milltir

Clwb Golff Penros, 150 acer o gefn gwlad hyfryd gwyrdd yn Nyffryn Wyre yng Ngorllewin Cymru, 15.8 milltir.

Beicio

Llawer o lwybrau a lonydd lleol distaw yn yr ardal sy’n ei gwneud yn ddelfrydol ar gyfer beicio. Mae Lôn Teifi yn rhedeg rhwng Aberystwyth ac Abergwaun, rhan o Lwybr Cenedlaethol 82 a’r Rhwydwaith Beicio Cenedlaethol. Mae’r llwybr beicio 98 milltir (158 km) yn dilyn lonydd gwledig ar hyd dyffryn yr Afon Teifi drwy bentrefi gwledig Tregaron, Llanbedr, Castellnewydd Emlyn a Chaerfyrddin cyn cyrraedd Abergwaun ar arfordir Gorllewin Cymru, 14 milltir.

Merlota

Mae Marchogaeth ar gael mewn sawl lleoliad, gan gynnwys Cilfach yr Halen, Llwyncelyn, 19.3 milltir.