Bwthyn y Wennol

Mae Bwthyn y Wennol wedi ei leoli mewn bro agored fryniog ar ffin ddeheuol cadwyn Mynyddoedd y Cambrian ar gyrion pentref Ffarmers, yn swatio rhwng trefi marchnad Llanbedr, Llanymddyfri a Llandeilo yng Ngorllewin Cymru. Ceir dyffrynnoedd godidog, mynyddoedd trawiadol, llynnoedd bendigedig , gerddi prydferth a bwyd blasus o farchnadoedd y ffermwyr yng Nghaerfyrddin, Llanelli a Llanymddyfri.
Mae’r bwthyn yn adeilad sydd wedi ei adnewyddu ar fferm â chymysgedd o dda byw arni, gan gynnwys gwartheg, defaid a cheffylau. Mae hen ffyrdd y porthmyn yn eich gwahodd i’w cerdded a’u darganfod ar droed neu mewn car tra bod pysgota, merlota a golff ar gael hefyd gerllaw. Mae Gardd Fotaneg Genedlaethol Cymru a Gerddi Aberglasney yn daith fer yn y car, gan eu gwneud yn atyniadau perffaith i’r garddwyr brwd yn eich plith.

Mae’r bwthyn o fewn cyrraedd i Fae Ceredigion ac i Barc Cenedlaethol Bannau Brycheiniog (gan gynnwys Bannau Sir Gâr a Llyn y Fan Fach), tra bod Arfordir Penfro a Phenrhyn Gwyr hefyd yn ardaloedd poblogaidd i’r rhai sy’n ymweld â Gorllewin Cymru. Dyma ardal o gryn ddiddordeb hanesyddol gyda Chloddfa Aur Dolaucothi sydd dair milltir i ffwrdd yn ogystal â’i chestyll, ei heglwysi, ei hadeiladau hanesyddol a’i llefydd diddorol niferus eraill gyda sawl un yn eiddo i’r Ymddiriedolaeth Genedlaethol.

Mewn ardal o harddwch naturiol eithriadol, mae’n fan delfrydol ar gyfer gwylio adar gyda’r Barcud Coch yn un o’r prif atyniadau.

Chwaraeon Dwr - Mae Clwb Rhwyfo Canw Llandysul yn cynnig rafftio dwr gwyn, canwau a chaiacau gyda golygfeydd ysblennydd ar hyd afon Teifi ar gyfer y rhai sy’n mwynhau chwaraeon dwr, 21.6 milltir.
Canolfan Chwaraeon Dwr Ceredigion Cei Newydd, 28.5 milltir.

Cerdded - Llawer o lwybrau cerdded lleol o drothwy’r drws yn addas ar gyfer pob lefel a gallu. Clwb cerdded lleol a llawer o lwybrau cerdded. Teithiau tywys ar gael. Ffordd y Porthmyn, 3 milltir.

Pysgota - Afon Cothi (llednant i afon hudol Tywi, sydd yn enwog am eogiaid) gerllaw, gyda thrwyddedau ar gael o’r clybiau lleol, 2.8 milltir.
Pysgodfa Frithyll Troed y Bryn a phyllau pysgota bras, 15.2 milltir

Golff - Clwb Golff Cilgwyn wedi ei leoli mewn dyffryn neilltuedig a hynod o pictiwrésg. Mae’r tir chwarae yn wastad ond mae digonedd o goed, pyllau a nentydd i’ch herio wrth i chi geisio gwneud eich ffordd o amgylch y cwrs, 13.5 milltir.

Beicio - Hafan feicio ar hyd llwybrau gwledig tawel 0.2 milltir, 0.2 milltir. Safle Adnoddau Naturiol Cymru yng Nghwm Rhaeadr gyda’i lwybr beicio mynydd, 11.5 milltir.

Merlota - Canolfan Farchogaeth Caeiago wedi ei leoli ar ffin mynyddoedd hardd y Cambrian yng nghalon y Gymru wledig, yn sicrhau bro farchogaeth ysblennydd gydag amrywiaeth o fywyd gwyllt.