- Special OfferUp to 15% off Special Offer Discount - selected dates
- Special Offer10% offer for stays between 7th June – 27th June
- Special Offer10% October Half Term offer for stays between 18th until 31st October 2024
- Special Offer15% offer 28th June – 18th July
- Special Offer10% offer w/c 19th July
- £537 per week
- £77 per night
- 4 Guests
- 2 Bedrooms
- 1 Bathroom
- No Pets
Features
Gweithgareddau gerllaw
- Cerdded
- Beicio
- Chwaraeon dŵr
- Pysgota
- Golff
Nodweddion Arbennig
- WiFi
- Twb poeth
- Pecyn croeso
- Golygfeydd cefn gwlad
- Smart TV
Gwelyau ac ystafelloedd gwely
- Dillad gwely yn gynwysedig
- 2 o welyau sengl
- 1 gwely sengl Zip & Link (gellir cyfuno i wneud gwely king/super-king)
- 1 gwely soffa
Cegin
- Peiriant golchi dillad
- Peiriant golchi llestri
- Rhewgell
Ystafell ymolchi
- Tywelion ar gael
Teuluoedd
- Addas i deuluoedd
- Cot trafeilio
- Cadair uchel
Awyr Agored
- Gardd neu iard amgaeëdig
- Barbaciw
- Parcio preifat
Hygyrchedd
- Ar un lefel, dim grisiau
- Toiled ar y llawr gwaelod
- Ystafell wely ar y llawr gwaelod
- Ystafell ymolchi ar y llawr gwaelod
Pwysig - noder os gwelwch yn dda
House Rules
- Amser cyrraedd: 16:00
- Amser gadael: 10:00
Description
Mae gan y bwthyn hunan-ddarpar hyfryd hwn yn y Bala, gyda twb poeth, bopeth rydych ei angen o fewn taith 5 munud ar droed. Wedi ei ddodrefnu’n chwaethus a modern, mae’r bwthyn a drawsnewidiwyd o hen ysgubor mewn lleoliad unigryw ar gyrion y dref. Mae ei leoliad o fewn iard amgaeedig yn creu teimlad o breifatrwydd lle medrwch fwynhau manteision cefn gwlad heb y cyfrifoldeb o orfod gyrru i bobman. Mae’r bwthyn wedi ei leoli 500 metr o Lyn Tegid gyda’i holl weithgareddau chwaraeon dwr; ac o gerdded 5 munud fe ddewch at fwytai, caffis, siopau a thafarndai tref farchnad fendigedig Y Bala.
Lleoliad canolog gwych ar gyfer darganfod Gogledd Cymru gyda theithiau cerdded hardd, rafftio dwr gwyn a’r trên bach yn rhai o’r nifer o weithgareddau sydd ar gael ar drothwy eich drws.
Llawr Gwaelod
Mae gan y bwthyn hunan-ddarpar clud yma yn y Bala gyfleusterau wi-fi a system gwres canolog o dan y llawr drwy’r bwthyn.
Mae yna deimlad eang i’r ystafell fyw agored gyda’i nenfydau uchel a’i drawstiau pren. Mae’r gegin fodern lwyd a sgleiniog yn cynnwys peiriant golchi llestri a pheiriant golchi dillad, hob cerameg sy’n cael ei reoli gan gyffyrddiad gyda ffwrn sengl, microdon a rhewgell/oergell fawr.
Bwrdd bwyd i 4 a theledu sgrin fflat wedi ei osod ar y wal fel y gellwch ei weld o bob rhan o’r ystafell fyw. Ymlaciwch ar y ddwy soffa foethus yn y lolfa a mwynhewch y golygfeydd o’r caeau agored drwy’r drysau patio. Mae’r ardal fyw yn agor allan ar ardd amgaeedig yng nghefn y bwthyn gyda chyfleusterau hot tub ar yr ardal wedi ei decio.
Ystafell wely 1: Gwely maint king croesawgar sy’n gallu cael ei newid yn ddau wely sengl ar gais. Dodrefn derw a theledu sgrin fflat gyda freeview. Mewn arddull fodern gyda nenfydau uchel a thrawstiau pren.
Ystafell wely 2: Ystafell wely twin gyda theledu freeview, dodrefn derw, nenfydau uchel a thrawstiau pren.
Ystafell ymolchi fodern gyda ffitiadau cyfoes, cawod uwchben y bath a rheilen gwresogi tywelion.
Gardd
O’r ystafell fyw, camwch allan i’r ardd amgaeedig sydd yng nghefn y bwthyn gyda chyfleusterau hot tub ar gyfer eich defnydd preifat chi. Ardal wedi ei decio gyda dodrefn ardd a lawnt gyda gwelyau blodau.
Gwybodaeth Ychwanegol
- Dillad gwely, tywelion bath a llaw a sychwr gwallt yn gynwysedig
- Gwres a thrydan yn gynwysedig
- Cot a chadair uchel ar gael ar gais
- Gwely soffa yn yr ardal fyw ar gyfer gwestai ychwanegol ar gael ar gais.
- Digonedd o le parcio preifat ar arwyneb gwastad tu allan i’r bwthyn.
- Mae’r hot tub yn gallu cael ei ddefnyddio ar unrhyw adeg o’r dydd, ond rydym yn gofyn i’n gwestai ymdawelu ar ôl 10:30 y.h.
- Lleoliad ar fferm deuluol gyda’r perchnogion ar gael ar y safle i helpu gydag unrhyw ymholiadau, darparu gwybodaeth leol a.y.b. os oes angen.
- Dim anifeiliaid anwes nac ysmygu yn y bwthyn.
- Tabledi peiriant golchi llestri, hylif golchi llestri, lliain sychu llestri a halen a phupur yn gynwysedig
- Darperir 1 sychwr gwallt
- WIFI ar gael
- Os gwelwch chi'n dda, wrth archebu nodwch os hoffech chi i'r gwely yn ystafell wely 1 fod fel gwely king neu ddau wely sengl.
Location
Mae’r bwthyn pâr hunan-ddarpar hardd mewn lleoliad bendigedig. Er ei fod o fewn taith gerdded o 5 munud i gyfleusterau’r dref, mae’r bwthyn hefyd yn manteisio o breifatrwydd buarth amgaeedig a arferai fod yn fuarth fferm i'r perchnogion. Llwydda hyn i greu lleoliad cefn gwlad tawel er gwaetha’r ffaith eich bod mwy neu lai yng nghanol y dref.
Mae tref farchnad Gymreig gartrefol, y Bala, yn cynnig amrywiaeth eang o siopau, caffis bwytai a thafarndai. Mae yna ganolfan hamdden (ystafell ffitrwydd, pwll dan do a llithren) dim ond 500 metr i ffwrdd. Y Cwrt, Y Plas Coch a’r Llew Gwyn yw rhai o dafarndai gorau’r dref ac maent i gyd o fewn taith gerdded o 5 munud.
Ymhlith y llefydd gorau i fwyta mae Gwesty’r Llew Gwyn, Y Plas Coch, Plas yn Dre, Bala Spice ac Y Cwrt, ac maent i gyd o fewn pellter cerdded. Mae’n werth mynd am dro fer yn y car i Yr Eagles yn Llanuwchllyn (5 milltir) a Bwyty Llyn Fyrnwy (13 milltir). Fodd bynnag, oherwydd eich bod ar wyliau mewn bwthyn gyda chyfleusterau hot tub, efallai bydd well gennych gael bwyd parod wedi ei gludo i’ch bwthyn bob nos.
Ystyrir tref y Bala fel prif ddinas antur Cymru gan ei bod yn darparu gweithgareddau chwaraeon dwr o’r radd flaenaf o Lyn Bala (500 metr i ffwrdd) gydag amrywiaeth o weithgareddau megis canwio, hwylio, hwylfyrddio, cerdded ceunentydd a’r Ganolfan Rafftio Dwr Gwyn (4 milltir). Mae yna hefyd go-gartio ar gyflymder uchel ar gael yng Ngherrigydrudion (12 milltir) Sorbio (Zorbing - 8 milltir) a nifer o weithgareddau eraill megis cwrs rhaffau uchel ym Metws y Coed a chanolfan beicio mynydd yng Nghoed y Brenin. Mae’r cwrs Go Ape hefyd yn cynnig diwrnod llawn hwyl.
Os ydy’n well gennych chi ymlacio ar eich gwyliau, mae yna nifer o fynyddoedd a theithiau cerdded hardd cyfagos, heb son am y llwybr beicio a thrên bach Llyn Tegid a’i golygfeydd godidog, y llyn naturiol mwyaf yng Nghymru. Neu beth am ymlacio yn eich bwthyn gyda’ch cyfleusterau hot tub gyda llyfr da a gwydraid o win. Mae eich bwthyn hunan-ddarpar yn darparu sylfaen wych i archwilio Eryri a Gogledd Cymru. Argymhellir nifer o weithgareddau megis Portmeirion (25 milltir) a Rheilffordd Ucheldir Cymru (27 milltir).
Cerdded
Llyn Tegid - taith gerdded hyd at 10 milltir o amgylch y llyn prydferth 4 milltir o hyd. 0.3 milltir o’r bwthyn
Mae cadwyn mynyddoedd yr Aran yn cynnig 14 copa uwchben 2000 o droedfeddi. Mae’r llwybr cerdded ar hyd y gefnen yn cynnwys dau o’r prif gopaon , Aran Fawddwy (2969 troedfedd) ac Aran Benllyn (2904 troedfedd). Llwybr yn cychwyn yn Llanuwchllyn, 5 milltir.
Mae gan gadwyn mynyddoedd yr Arenig 13 o gopaon dros 2, 000 o droedfeddi, gan gynnwys Arenig Fawr a Moel Llyfnant. Llwybr yn cychwyn ger Llyn Celyn, 4 milltir.
Beicio / Beicio Mynydd
Llyn Bala - Mae’r llwybr 10 milltir hardd hwn o amgylch y llyn a gellir ei feicio hefyd. 0.3 milltir o’ch bwthyn
Llyn Celyn - 15 milltir o lwybr cylchol o amgylch llyn llawn golygfeydd arall, 4 milltir.
Canolfan Beicio Mynydd Antur Stiniog, Blaenau Ffestiniog, 18 milltir.
Canolfan Beicio Mynydd Coed-y-Brenin - Llwybrau addas i bob oed. 23 milltir.
Gellir llogi beiciau yn yr ardal.
Pysgota
Y man agosaf yw Llyn Bala (y’i gelwir yn Llyn Tegid yn Gymraeg), 0.3 milltir.
Chwaraeon Dwr
Llyn Bala - Hwylio, canwio, caiacio, hwylfyrddio, adeiladu rafft a.y.b. 0.3 milltir.
Canolfan Rafftio Dwr Gwyn, Canolfan Tryweryn - Rafftio dwr gwyn, caiacio a chanwio, 4 milltir.
Golff
Clwb Golff Bala - Cwrs golff 10 twll gyda golygfeydd bendigedig dros gefn gwlad Gogledd Cymru, 1 filltir.
Merlota
Canolfan Ferlota Bwlchgwyn. Addas I bawb dros 4 oed, 25 milltir.
Traethau
Traeth Abermaw - traeth hir, tywodlyd gyda gwobr Baner Las, 27 milltir.
Traeth Morfa Bychan - 3 milltir o draeth tywodlyd, 27 milltir.
