Ysgubor y Gorwel

Description

Gyda golygfeydd panoramig o'r môr o'r holl ystafelloedd a'r ardd, ynghyd â stôf goed groesawgar, mae'r bwthyn fferm hwn ar arfordir Eryri yn cynnig lleoliad delfrydol ar gyfer eich gwyliau nesaf yng Nghogledd Cymru. Mae rhodfa milltir o hyd yn arwain i bentref Dyffryn Ardudwy, gyda digon o adnoddau, yn cynnwys traeth tywod, siop bentref a thafarn. Mynediad i lwybrau cerdded yn y mynyddoedd a'r arfordir o stepen y drws. Nifer o atyniadau o fewn pellter teithio byr, o draethau Baner Las a trenau stêm i Gastell Harlech, Portmeirion a Zip World. 

Llawr Gwaelod

Cegin / ardal fwyta - ystafell helaeth gyda cegin dderw, bwrdd a chadeiriau. Offer yn cynnwys popty, hob a meicrodon, peiriant golchi llestri, oergell a rhewgell. Ystafell iwtiliti arwahan yn cynnwys peiriannau golchi a sychu dillad. 

Ystafell haul - gyda mynediad drwy'r gegin, dyma'r ystafell ble mae amser yn sefyll yn llonydd. Gellir mwynhau golygfeydd panoramig o gefn gwlad a'r môr oddi yma - y man perffaith i eistedd nôl a sipian coffi, gwîn (neu'r ddau) drwy'r dydd tan fachlud haul. Mae drysau yn arwain allan i'r patio sy'n mwynhau'r un golygfeydd godidog. 

Lolfa - ystafell gysurus sydd eto'n mwynhau golygfeydd o'r môr ac yn leoliad perffaith i ymlacio fin nos o flaen y teledu a'r stôf goed. 

Ystafell wely 1 - ystafell helaeth gyda gwely maint king, teledu/chwaraewr DVD a golygfeydd i'ch ysbrydoli bob bore.

Ystafell wely 2 - dau wely sengl, gyda golygfeydd.

Ystafell ymolchi - baddon a chawod oddi mewn, toiled, basn a rheilen sychu tywelion. 

Gardd

Fel y bwthyn ei hun, mae'r ardd yn mwynhau golygfeydd anhygoel o gefn gwlad a'r môr, yr holl ffordd i Benrhyn Llyn ar y gorwel. Patio caeedig gyda bwrdd a chadeiriau.  

Stepiau o'r patio i lawr i'r lawnt gyda bwrdd picnic. Barbaciw siarcol ar gael. 

Gwybodaeth Ychwanegol

• Pecyn croeso yn cynnwys te a choffi, siwgwr a llaeth, potel o wîn a blodau     
• Dillad gwelyau, tywelion ac 1 sychwr gwallt ar gael     
• Gwres a thrydan yn gynwysedig     
• Wifi ar gael
• Cot a chadair uchel ar gael os dymunir. Dewch â dillad eich hun i'r cot    
• Addas ar gyfer cadair olwyn. Drysau llydan ac ar un lefel - arwahan i un step ger y mynediad, ac un step i lawr i'r ystafell haul     
• Dim anifeiliaid anwes nac ysmygu tu mewn y bwthyn    
• Storfa beiciau ar gael    
• Digon o le parcio   
• Eitemau ar gael yn cynnwys...
  • Cegin: pupur a halen, papur cegin, hylif golchi llestri a thabledi i'r peiriant, clytiau, ffoil a ffilm glynu  
  • Ystafell ymolchi: sebon hylif a 2 rolyn papur i bob toiled   
  • Cynnyrch glanhau cyffredinol