- Special Offer10% off Special Offer Discount on selected dates
- Special Offer20% off Easter holidays - 22nd March - 11th April
- £1,363 per week
- £195 per night
- 8 Guests
- 4 Bedrooms
- 5 Bathrooms
- No Pets
Features
Gweithgareddau gerllaw
- Cerdded
- Beicio
- Chwaraeon dŵr
- Pysgota
- Golff
- Marchogaeth
Nodweddion Arbennig
- WiFi
- Tân agored neu stôf goed
- Twb poeth
- Pwll nofio
Gwelyau ac ystafelloedd gwely
- Dillad gwely yn gynwysedig
- 3 o welyau king/super-king
- 2 o welyau sengl
- 2 o welyau soffa
Cegin
- Peiriant golchi dillad
- Peiriant golchi llestri
- Rhewgell
Ystafell ymolchi
- 5 o doiledau
- Tywelion ar gael
- Ystafell ymolchi en-suite
- Ystafell wlyb
Teuluoedd
- Addas i deuluoedd
- Cot
- Cadair uchel
Awyr Agored
- Gardd, iard neu batio
- Barbaciw
- Parcio preifat
Hygyrchedd
- Toiled ar y llawr gwaelod
- Ystafell wely ar y llawr gwaelod
- Ystafell ymolchi ar y llawr gwaelod
- Cawod cerdded i mewn
- Ystafell wlyb
Pwysig - noder os gwelwch yn dda
House Rules
- Amser cyrraedd: 16:00
- Amser gadael: 10:00
Description
Mae Ysgubor y Dderwen yn fwthyn moethus pum seren gyda lle i hyd at ddeuddeg gysgu a sba nofio mawr. Fe’i lleolir ar fferm weithiol ym Mannau Brycheiniog ac mae’n berffaith ar gyfer gwyliau teuluol neu gyda chriw o ffrindiau. Mae’r addurn chwaethus yn rhoi iddo’r waw ffactor. Caiff y bwthyn ei bweru gan egni adnewyddol gyda’r defnydd o foeler sydd yn llosgi coed Biomas, paneli solar, system wres o dan y llawr, a system unigryw sydd yn adennill gwres o’r ddaear. Yn berffaith ar gyfer teuluoedd neu griw o ffrindiau gellir cerdded neu hyd yn oed feicio Bannau Brycheiniog o garreg y drws. Drwy ffinio gyda’r prif dy fferm gall y bwthyn hwn gysgu hyd at ddeuddeg gyda’r defnydd o ddau wely soffa dwbl.
Llawr Gwaelod
Yn yr ystafell gyntaf mae yna ddau wely sengl sydd yn codi a gostwng. Gellir gwthio’r ddau at ei gilydd i’w gwneud yn ddwbl. Mae’r ystafell hon yn addas ar gyfer yr anabl gyda gwlâu y gellir eu rheoli yn electronig a theledu HD.
Mae yna ystafell en-suite fawr gyda chyfleusterau i’r anabl a chawod a thoiled.
Larwm i’r anabl wedi ei osod hefyd.
Mae’r lolfa yn cynnwys soffa fawr gron gyda lle i hyd at ddeuddeg eistedd, lle tân sydd yn llosgi coed, teledu mawr HD, DVD blue ray a gorsaf ddocio ar gyfer ipod. Drysau patio sydd yn agor allan ar yr ardd gefn a’r sba nofio.
Mae’r gegin yn cynnwys popty estynedig gyda hob nwy, golchwr a sychwr dillad, peiriant golchi llestri, ac oergell/rhewgell. Mae yna hefyd ardal bar brecwast.
Bwrdd bwyd o dderw caled gyda lle i hyd at ddeuddeg o westai.
Ystafell gotiau ar y llawr gwaelod gyda thy bach.
Llawr Cyntaf
Yr ail ystafell wely yw’r brif un gyda gwely maint king pedwar piler, teledu HD ac ystafell ymolchi en-suite gyda bath cornel a thoiled. Gellir mwynhau golygfeydd dros y Mynyddoedd Duon ac i fyny tua Llyn y Fan drwy’r ffenestri.
Mae’r drydedd ystafell wely yn cynnwys gwely mawr a gwely soffa dwbl, teledu HD ac en-suite gyda chawod a thoiled.
Mae’r bedwaredd ystafell wely yn cynnwys gwely mawr a gwely soffa dwbl, teledu HD ac en-suite gyda chawod a thoiled.
Ar ben y grisiau fe geir ardal ddarllen gyda detholiad o lyfrau a gemau yn ogystal â chadair sydd yn gostwng yn ei hôl.
Gardd
Sba nofio ysblennydd sydd yn addas ar gyfer 14 oedolyn. Gellir gosod y sba nofio ar osodiad jacuzzi neu ar osodiad nofio a gellir yn ogystal ei orchuddio gan ei fod y tu allan yn yr ardd sydd gyda byrddau a chadeiriau, cadair siglo a barbeciw mawr (nwy). Gwna y rhan fwyaf o westeion drefniadau ar ôl cyrraedd ond mae yna ddewis hefyd i neilltuo’r sba nofio mewn slotiau o ddwy awr o flaen llaw am dâl ychwanegol o £30 y sesiwn. Ar gael i’w ddefnyddio hyd at ddeg o’r gloch y nos.
Gwybodaeth ychwanegol
Pecyn croeso lleol wrth gyrraedd
- Ni chaniateir anifeiliaid anwes
- Darperir dillad gwely a thyweli bath. Dewch a’ch tyweli eich hunain er mwyn eu defnyddio yn y sba nofio os gwelwch yn dda
- Crud a chadair uchel ar gael. Dewch a’ch llieiniau ar gyfer y cot eich hunain os gwelwch yn dda
- Gwres a thrydan yn gynwysedig
- Digonedd o lefydd parcio preifat oddi ar y ffordd
- Addas ar gyfer yr anabl gydag esgynfeydd a chanllawiau
- Beiciau mynydd ar gael i’w llogi o’r fferm (£25 am ddiwrnod llawn neu £20 am hanner diwrnod). Gallwch drefnu i gael eich codi a’ch gollwng oddi ar y ffyrdd neu’r llwybrau cyfagos
- Storfa ar gyfer cadw beiciau yn ddiogel ar y safle
- Y bwthyn wedi ei leoli ar fferm weithiol ac felly ni ddylid gadael i blant ifanc grwydro o amgylch y fferm heb oruchwyliaeth
- Cyswllt we ddi-wifr yn rhad ac am ddim
- Ni ellir sicrhau signal ffôn symudol ar bob rhwydwaith
- Hawliau pysgota preifat am hanner milltir ar afon Crai (un o led-nentydd yr afon Wysg, sydd yn fyd-enwog am ei heogiaid)
- Cludiad o archfarchnadoedd ar gael yn yr ardal
- Mae Ysgubor y Dderwen wedi ei leoli ar yr un fferm â Llety Llyn y Fan, Bwthyn y Bannau a Bwthyn Tre-faen ac fe ellir archebu’r cyfan i letya 36 o bobl (os ydych yn cynnwys y defnydd o wlâu soffa). Disgownt o 10% os ydych chi'n archebu ar y cyd. Cysylltwch am fwy o wybodaeth os gwelwch yn dda
- Enillwyr Gwobrau Busnes Powys
Location
Mae’r hen dref farchnad draddodiadol, Aberhonddu oddeutu wyth milltir i ffwrdd tra bod y dafarn, y siopau a’r gorsafoedd petrol agosaf ym Mhont Senni oddeutu tair milltir i fwrdd. Drwy gydol y flwyddyn mae llawer o ddigwyddiadau yn yr ardal gan gynnwys Gwyl Jazz Aberhonddu, Gwyl y Gelli, a Gwyl y Dyn Gwyrdd. Yn ogystal fe geir Sioe Amaethyddol Frenhinol Cymru a’r Ffair Aeaf , y ddwy wedi eu lleoli yn Llanfair ym Muallt. Mae’r Rali hefyd yn mynd heibio ychydig filltiroedd i ffwrdd o’r bwthyn.
Wedi ei sefydlu yn 1957 mae Parc Cenedlaethol Bannau Brycheiniog yn cynnwys rhai o olygfeydd ucheldir mwyaf ysblennydd a nodedig de Prydain gan orchuddio ardal o 1347 cilomedr sgwâr (520 milltir sgwâr). Mae yna atyniadau niferus yn yr ardal gan gynnwys rhaeadrau godidog Ystradfellte, Rheilffordd Mynydd Brycheiniog ac ogofeydd Dan yr Ogof sydd yn un o atyniadau teuluol pennaf Cymru ac fe’i pleidleisiwyd yn un o ryfeddodau naturiol gorau Prydain. Bannau Brycheiniog yw’r Parc Cenedlaethol cyntaf yn y Deyrnas Unedig i dderbyn statws Geoparc.
Er gwaethaf ei leoliad gwledig a thawel mae lonydd cyfagos yn cysylltu’r bwthyn gydag Abertawe (oddeutu 45 munud) a Chaerdydd (oddeutu 50 munud) . Mae’r prif lwybr bws i Aberhonddu yn daith fer ar droed o’r bwthyn.
Cerdded
Gellir canfod llwybrau cerdded braf ym Mharc Cenedlaethol y Bannau dros gopaon Pen y Fan, Cornddu a Chriban, yn ogystal â Ffordd Epynt sydd yn naw deg cilomedr. Llwybr yn rhedeg yn syth o’r bwthyn, 0.1 milltir.
Pysgota
Mae’r bwthyn yn dod gyda hanner milltir o bysgota preifat ar yr afon Crai, lled-nant i’r afon Wysg, sydd yn enwog am ei heogiaid, 0.1 milltir.
Beicio
Mae llawer o lwybrau beicio yn yr ardal a gellir mynd am dro gyda’r afon Wysg o’i tharddle, drwy lwybrau’r Parc Cenedlaethol a’r llwybrau gwledig, 3.2 milltir.
Merlota
Cynigia Marchogaeth Gilfach yn y Parc Cenedlaethol ferlota, marchogaeth mynydd, gwersi marchogaeth a chyrsiau marchogaeth, 5 milltir.
Golff
Mae Clwb Golff Cradoc yn gwrs 18 twll gyda maes ymarfer dan lifoleuadau. Ceir golygfeydd bendigedig dros y Bannau a Phen y Fan, 10 milltir.
Chwaraeon Dwr
Ar gyfer y rhai sydd â diddordeb mewn chwaraeon dwr mae’r Afon Wysg yn darparu canwio dwr gwyn 3.0 milltir a Llyn Syfaddon, 18 milltir.